Tetovë, 9 tetor 2024 (MIA) - Kryetari i Komunës së Tetovës, Bilall Kasami, sot zhvilloi një takim me përfaqësues të kompanisë Zaubermaher, ku u diskutuan hapat konkretë për ruajtjen e ambientit dhe pastërtinë në qytet. Paralajmërohet se çdo shkelje do të sanksionohet me masa ligjore në bazë të ligjit për pastërti publike. 

"Në kuadër të këtij bashkëpunimi, do të vendosen kamera monitorimi në të gjitha pikat kyçe të qytetit, me qëllim ndjekjen dhe mbikëqyrjen e situatës. Komuna e Tetovës apelon të gjithë qytetarët që të respektojnë rregullat dhe të mos hedhin mbeturina në vende të papërshtatshme. Çdo shkelje do të përballet me masa ligjore në përputhje me ligjin për pastërti publike. Le të angazhohemi të gjithë për një qytet të pastër dhe një ambient të shëndetshëm pa mbeturina", thuhet në deklaratën e Kasamit, të cilën e transmeton Zyra për Komunikime dhe Marrëdhënie me Publikun pranë Komunës së Tetovës.

Në kumtesë, Komuna e Tetovës qytetarët që kanë material inerte ose mbetje që nuk mund të hidhen në kontejner, janë të lutur të kontaktojnë ndërmarrjen publike NKP, e cila do të kujdeset për bartjen e mbeturinave nga shtëpitë e tyre. fc/

Fotografia: Komuna e Tetovës