Shkup, 19 maj 2025 (MIA) – Drejtori i FSSH, Sasho Klekovski do të pranonte të jetë ministër i Shëndetësisë, por, siç tha sot, me zëvendësim adekuat në Fond. Ai do të jetë i hapur për bisedë varësisht nevojave, ndërsa çfarëdo lloj rokada, theksoi, duhet të parashohin zgjidhje komplete të ekipimit kadrovik në sektorin e shëndetësisë. 

“Qeveria ka kryeministër i cili formon ekipin qeveritar. Ndihem plotësisht produktiv dhe i përkushtuar në Fond, ku ka shumë punë për të bërë. Do të jem i hapur për bisedë, varësisht nga nevojat. Por, do ta them përsëri, ka shumë për të bërë në Fondin e Sigurimeve Shëndetësore, kështu që çdo riorganizim duhet të parashikojë një zgjidhje të plotë të situatës së kuadrit në sektorin e shëndetësisë”, theksoi Klekovski, duke iu përgjigjur pyetjeve të gazetarëve pas konferencës për media në lidhje me të lënduarit në tragjedinë e Koçanit.

Dikasterin e Shëndetësisë e udhëhoqi Arben  Taravari i cili javën e kaluar, pasi bëri të ditur se partia e tij del nga Qeveria, edhe zyrtarisht dha dorëheqje nga funksioni i ministrit. fc/

Foto/video: MIA