Manastir, 3 dhjetor 2024 (MIA) - Në kuadër të programit "Qytetarët kundër korrupsionit", sot në sheshin "Magnolia" në Manastir do të mbahet "Karvani kundër korrupsionit".

 Qëllimi i ngjarjes është që përmes komunikimit të drejtpërdrejtë, ekipi i programit dhe përfaqësuesit e institucioneve shtetërore dhe organizatave civile nga afër t'i informojnë qytetarët për rëndësinë e luftës kundër korrupsionit, të diskutojnë për sfidat, si dhe t'i prezantojnë mundësitë për raportimin e rasteve të korrupsionit.

 Ngjarja organizohet në kuadër të programit "Qytetarët kundër korrupsionit" i zbatuar nga Qendra Maqedonase për Bashkëpunim Ndërkombëtar (QMBN) në partneritet me Qendrën për Komunikime Civile (QKC), Instituti për Demokraci "Societas Civilis", Shkup (IDSCS), Oda Ekonomike e Maqedonisë së Veriut (OEMV), 360 Gradë, Laboratori i Gazetarisë Hulumtuese Maqedoni (IRL) dhe Rrjeti Ballkanik i Gazetarisë Hulumtuese Maqedoni (BIRN). Programi financohet nga Agjencia Amerikane për Zhvillim Ndërkombëtar - USAID/Maqedonia e Veriut.

Foto: Arkivi i MIA-s