Tokio, 8 shkurt 2024 (MIA) - Në centralin bërthamor Fukushima Daiçi në Japoninë verilindore dje ishte zbuluar rrjedhje e ujit radioaktiv, por nuk janë zbuluar shenja të kontaminimit jashtë lokacionit, njoftoi sot operatori i centralit Tepko.

Kjo rrjedhje e afro 5.500 litrave në central, e cila ishte dëmtuar seriozisht në vitin 2011, ka ndodhur para se uji të pastrohet me sistem të quajtur ALPS, i cili e liron ujin e grumbulluar në central nga shumica e materieve të saja radiokative, sqaroi zëdhënësja e Tepko.

Rrjedhja ishte ndërprerë njëzetë minuta pasi ishte zbuluar dje në mëngjes. Ai ujë mund të përmbajë izotope radioaktive siç janë cezium 137 dhe stroncium 90, tha zëdhënësja e Tepko, duke shtuar se udhëheqësia e centralit planifikon ta heqë dheun e ndotur nga rrjedhja. 

"Nuk ka ndryshime të dukshme në të dhënat nga ndjekja e radioaktivitetit rreth centralit", siguron ajo. fc/

Fotografia: Arkivi