Shkup, 28 nëntor 2024 (MIA) - Udhëheqësia e re, gjegjësisht Këshilli i ri drejtues i Agjencisë për komunikime elektronike do ta stopojë vendimin për rritjen e shpenzimeve për bruto paga për 20 për qind në AKE, theksoi kryeministri Hristian Mickoski në përgjigje të pyetjes nga deputeti i VMRO-DPMNE Bojan Stojanovski, i cili theksoi se me planin e propozuar financiar për vitin 2025 ky trup parashikon të ardhura prej 9,3 milionë denarë, që është për 31 për qind më pak në krahasim me këtë vit.

"E këtë e kam mësuar këtë nga menaxhmenti i ri në Agjencinë për Komunikime Elektronike, i cili është zgjedhur në Kuvend rreth dy javë më parë, se menaxhmenti ka nënshkruar Marrëveshje kolektive së bashku me drejtorin, i cili është anëtar i stafit të Bashkimit Demokratik për Integrim, këta që kujdesen për standardin dhe janë shumë të shqetësuar se kush është legjitim e kush jo. Ata kanë nënshkruar Marrëveshje kolektive, e cila nuk ishte nënshkruar asnjëherë më parë dhe nuk kishte pasur nevojë për të, kur të gjithë e dimë se sa dhe sa janë të ardhurat në Agjencinë për Komunikime Elektronike. Lajmi i mirë është se menaxhmenti i ri, Bordi i ri drejtues, gjëja e parë që do të bëjnë është të ndalojnë këtë vendim dhe do të marrin të gjithë mekanizmat në dispozicion për ta bërë të pavlefshme këtë Marrëveshje kolektive. Marrëveshjen kolektive, po e përsëris, e ka nënshkruar menaxhmenti i mëparshëm, ku anëtari, gjegjësisht kryetari i Bordit drejtues është nga LSDM, ndërsa drejtori i cili edhe për momentin e mban atë pozitë është nga radhët e BDI-së", theksoi Mickoski. mb/

Foto: MIA