Këshilli i Qytetit të Shkupit nuk i miratoi Vendimet për vendosjen e BRT-së dhe furnizimin e eko-autobusëve
- Këshilli i Qytetit të Shkupit në seancën e sotme nuk e miratoi Vendimin për dhënien e pëlqimit për lidhjen e marrëveshjes për implementimin e projektit vendosje e Transportit të shpejtë të autobusëve (BRT) në Qytetin e Shkupit. "Për" vendimin votuan katër këshilltarë, katër ishin "kundër" dhe dy të përmbajtur. Kundër këtij vendimi votuan këshilltarët e VMRO-DPMNE-së, nga Qyteti human i gjelbër dhe E Majta.
- Post By Besnik Shuki
- 15:41, 29 gusht, 2024
![Këshilli i Qytetit të Shkupit nuk i miratoi Vendimet për vendosjen e BRT-së dhe furnizimin e eko-autobusëve](https://mia.mk/images/20240829154149_big_730x400_59.webp )
Shkup, 29 gusht 2024 (MIA) - Këshilli i Qytetit të Shkupit në seancën e sotme nuk e miratoi Vendimin për dhënien e pëlqimit për lidhjen e marrëveshjes për implementimin e projektit vendosje e Transportit të shpejtë të autobusëve (BRT) në Qytetin e Shkupit. "Për" vendimin votuan katër këshilltarë, katër ishin "kundër" dhe dy të përmbajtur. Kundër këtij vendimi votuan këshilltarët e VMRO-DPMNE-së, nga Qyteti human i gjelbër dhe E Majta.
Sistemi BRT, i cili ishte projekt i kryetarit paraprak të Qytetit, Petre Shilegov është një nga vendimet për zvogëlimin e kaosit në komunikacionin në kryeqytet, e ky është viti i tretë që nuk zbatohet dhe po paguhen dënime. Paratë për BRT qëndrojnë, ndërsa nga buxheti shtetëror paguhen dënime - nga 350 mijë euro interes vjetor për BERZH, pasi kredia me vlerë 70 milionë euro është marrë, por projekti nuk po realizohet.
Këshilltarët e Qytetit të Shkupit nuk e miratuan edhe Vendimin për furnizimin e eko-autobusëve. "Për" Vendimin votuan 20 këshilltarë, pesë ishin të përmbajtur dhe asnjë "kundër".
Këshilli i Qytetit të Shkupit sot e mban seancën, ku pritet që këshilltarët t'i përkrahin programet shtesë për punë të Higjienës komunale për punësimin e rreth 120 personave dhe të marrin vendim për ridedikimin e mjeteve të NQP-së, me të cilat do të riparohen dhe vendosen në funksion edhe 30 autobusë. bsh/
Foto: Printskrin nga video