Beograd, 25 dhjetor 2023 (MIA)  -  Para selisë së Komisionit Republikan të Zgjedhjeve (KRZ) në qendër të Beogradit po mbahet protesta e tetë për shkak të vjedhjes së pretenduar zgjedhore, organizuar nga koalicioni opozitar "Serbia kundër dhunës".

Qindra persona janë mbledhur në rrugën "Kralja Milana", ku ndodhet selia e KRZ-së.

Përfaqësuesit e listës "Serbia kundër dhunës" porositën se nëse nuk përmbushen kërkesat e tyre, protestën do ta mbajnë nesër në orën 18.00. 

Në mesin e të mbledhurve ka edhe një numër të madh të rinjsh të cilët shprehin pakënaqësinë e tyre për punën e KRZ-së duke fishkëllyer, duke brohoritur kundër presidentit të Serbisë, Aleksandër Vuçiq dhe duke thirrur "Vuçiq, largohu". 

 Koalicioni "Serbia kundër dhunës" kërkon shpalljen e zgjedhjeve të reja, si në Beograd ashtu edhe në të gjithë Serbinë, ndrësa së bashku me deputeten Marinika Tepiq, në selinë e KRZ-së janë në grevë urie edhe disa përfaqësues të këtij koalicioni.

 Në protestës  janë bashkëngjitur edhe studentët të cilët deri në orën 18 kanë bllokuar rrugët kryesore në qendër të Beogradit. Studentët para objektit të KRZ-së kanë paralajmëruar se do të zgjerojnë protestat në të gjithë Serbinë, nëse deri të mërkurën nuk ka përgjigje pozitive ndaj kërkesave të tyre. Ata kërkuan lirimin e kolegëve që u arrestuan dje, ndërsa sërish bënë thirrje për që të mos ketë të dhunshme.

 Protestat e djeshme u shënuan nga trazira që filluan pasi protestuesit, të udhëhequr nga drejtuesit e SPN, formuan një unazë rreth Parlamentit të Beogradit dhe u përpoqën të futeshin me forcë në ndërtesë. Demonstruesit thyen derën dhe disa xhama të ndërtesës së Parlamentit në Beograd, hodhën shishe qelqi, goca deti dhe thyen derën me shkopinj.

 Foto: EPA