Shkup, 23 shtator 2022 (MIA) - Ministri i Ekonomisë, Kreshnik Bekteshi, ka deklaruar sonte se është duke negociuar me të gjitha vendet fqinje për të siguruar energji elektrike më të lirë për ekonominë, por beson se sektori i biznesit ka pritje maksimale. "Kërkojnë subvencionim direkt nga shteti prej 20 milionë euro për dhjetë konsumatorët e parë në vend konsumi i të cilëve është rreth 80 mijë megavat në orë. Nëse i kemi parasysh çmimet e sotme dhe sa subvencion kërkojnë, vetëm për këto dhjetë kompani, shteti duhet të ndajë rreth 20 milionë euro, ka thënë sonte ministri i Ekonomisë Kreshnik Bekteshi në ditarin e televizionit “Sitel”. Kërkesat e tilla të ekonomisë, sipas Bekteshit, janë të palogjikshme sepse pikërisht ata 10 konsumatorët më të mëdhenj të energjisë elektrike kanë realizuar fitime të mëdha në vitet e kaluara. "Këto dhjetë kompani nuk mund të presin 20 milionë subvencion në një muaj, kurse vitin e kaluar kanë bërë mbi 100 milionë euro. Të gjitha mjetet në buxhet janë të qytetarëve. Prioriteti ynë janë amvisëritë dhe kompanitë mikro dhe të vogla që punësojnë mbi 85 për qind të të gjithë të punësuarve në sektorin privat, tha Bekteshi. Ai hodhi poshtë akuzat e opozitës se me Bullgarinë po negociohet çmimi i energjisë elektrike prej 400 euro për megavat orë. "Kemi një ofertë nga Bullgaria për të paguar një çmim afër çmimit të tregut në bursën e tyre dhe për diferencën të kërkojmë ndihmë nga Komisioni Evropian. Ne ofruam që të lidhim një kontratë afatgjatë deri në fund të prillit dhe nëse do të jetë nevoja deri në fund të vitit të ardhshëm të kemi një çmim fiks me të cilin do të marrim energjinë elektrike nga Bullgaria. Presim një përgjigje prej tyre. Nuk do të lejoj kurrë të bëhet marrëveshje me çmimet e bursës, tha Bekteshi. Lidhur me vizitën e djeshme në Turqi, Bekteshi vlerësoi se kanë pasur biseda produktive me kolegët e tyre turq dhe kanë treguar interes për plotësimin e kërkesave tona. "Vazhdojmë me koordinimin e të gjitha institucioneve dhe bashkëpunimin me fqinjët tanë për transmetimin e energjisë elektrike përmes Greqisë dhe Bullgarisë duke shfrytëzuar kapacitetet ndërkufitare, duke qenë se nuk kufizojmë Turqinë. Ato kanë çmime më të volitshme të energjisë elektrike se ato në tregun e lirë, por janë më të larta se kërkesat e ekonomisë sonë dhe aktualisht jemi në kërkim të rrymës më të lirë, tha Bekteshi. Ai mbetet i mendimit se Qeveria nuk është vonuar në negociatat me fqinjët për rrymën. Ai bëri të ditur se pas kthimit të kryeministrit Dimitar Kovaçevski dhe presidentit serb Aleksandar Vuçiq do të nënshkruhet marrëveshja me Serbinë., Lidhur me ngrohjen në Shkup, Bekteshi ka treguar se sipas njohurive të tij, ESM ka marrë një ofertë shumë të lartë për furnizim me gaz natyror prej rreth 2500 euro për metër kub normal. Një ofertë e tillë, siç tha ai, kërkon subvencionim direkt nga shteti. "Të presim edhe një javë, ndoshta do të kemi marrëveshje për çmime më të ulëta. Jam i bindur se këtë mund ta arrijmë që të mos japim subvencione aty ku nuk ka nevojë dhe ato mjete mund t'i shfrytëzojmë për furnizimin e shkollave fillore dhe të mesme dhe për të ndihmuar në sektorë të tjerë, tha Bekteshi. ls/