Shkup, 4 tetor 2024 (MIA) - Ministri i Bujqësisë, Pylltarisë dhe Ekonomisë së Ujërave, Cvetan Tripunovski sot kumtoi se janë vënë në funksion të gjitha mjetet e disponueshme për pastrim të shtretërve të lumenjve në pajtim me paralajmërimet nga DPHM-së se nën ndikimin e aktivitetit ciklonik, këto ditë do të ketë reshje, vende-vende më të rrëmbyeshme, të shoqëruara me bubullima dhe erë të prëforcuar.

Siç përmendi Tripunovski, duhet të veprohet në mënyrë intervenuese sepse në vitet e kaluara shtretërit e lumenjve nuk janë pastruar.

"Janë vënë në funksion të gjitha mjetet e disponueshme dhe po bëhet plan për pastrim në të gjitha pikat kritike në vend, përkatësisht të shtretërve të lumenjve, të cilët gjatë viteve, fatkeqësisht, nuk janë pastruar, kështu që, dzhet të veprojmë në mënyrë intervenuese. E ndjekim parashikimi në mënyrë që të parandalojmë çfarëdo lloj dëmi lidhur me këtë çështje", tha Tripunovski, duke u përgjigjur në ypetje të gazetarëve pas konferencës për shtyp në të cilën Qeveria i ofroi ndihmë Komunës së Strumicës prë zgjidhje të problemit me ujin e pijshëm. ab/

foto: МIА arkivi dhe printskrin