Shkup, 2 korrik 2023 (MIA) - Janë shpëtuar dy persona nga automobili, i cili ka rënë në lumë në Prilep, informojnë pasdite nga Qendra për menaxhim me kriza. Personat janë dërguar në spitalin e Prilepit, ku njërit i janë konstatuar lëndimt të rënda, por nuk është në rrezik për jetë, ndërsa tjetrit lëndime të lehta dhe është lëshuar në mjekim shtëpiak.

"Në ora 13:11 në Numrin e vetëm për situata emergjente 112 në QMK, është marrë informatë se një automjet i tipit 'golf' ka ra në lumë tek ura 'Koço Racin' në Prilep. Nga QMK rajonale Manastir kanë kontaktuar me NJZT Prilep dhe kanë marrë njoftim se kanë ekip në vendin e ngjarjes, si dhe nga Ndihma mjekësore emergjente e Prilepit dhe se në automjet ka pasur dy persona, të cilët janë tërhequr. Në terren, në pajtim me situatën, ka dalë edhe ekip policor nga Stacioni i policisë Prilep", thuhet në kumtesën e QMK-së.

Nga MPB-ja informojnë se ekipet e angazhuara nga Sistemi për menaxhim me kriza ende janë në terren. bsh/

Foto: MIA arkiv