Shkup, 28 nëntor 2023 (MIA) - Indekset e kostos së ndërtimit për objektet e reja të banimit individual kanë për qëllim shqyrtimin ose monitorimin e kostove të ndërmarra nga kompanitë e ndërtimit në procesin e ndërtimit të objekteve të reja për banim individual. Përfituesit kryesorë të të dhënave mbi indeksin e kostove të ndërtimit për objektet e reja të banimit individual janë ndërmarrjet e ndërtimit, të cilat i referohen lëvizjes së kostove të ndërtimit në llogaritjet gjatë lidhjes së kontratave të ndërtimit.

Sipas të dhënave të Entit Shtetëror të Statistikës, në tremujorin e tretë të vitit 2023, krahasuar me tremujorin e dytë të vitit 2023, kostot e ndërtimit për objektet e reja të banimit individual janë më të larta për 0,4 për qind, kostot për materiale janë më të ulëta për 1,8 për qind, dhe kostot e punëtorëve janë më të larta për 4,2 për qind.

Në tremujorin e tretë të vitit 2023, krahasuar me periudhën e njejtë të vitit paraprak, kostot e ndërtimit për objektet e reja për banim individual janë më të larta për 5,6 për qind, kostot për materiale janë më të ulëta për 2,5 për qind dhe kostot e punëtorëve janë më të larta për 22,8 për qind. fc/

Fotografia: Arkivi i MIA-s