Tel Aviv, 17 janar 2024 (MIA) - Armata izraelite mbrëmë njoftoi se ka zbuluar dhe shkatërruar tunelin strategjik të Hamasit në Rripin e Gazës, që ishte i gjatë disa qindra metra, lajmëroi DPA.

Ai ishte në një thellësi prej nën metra nën Vadi Gaza, shtrati i lumit që i ndan pjesën veriore dhe jugore të Gazës.

Luftëtarët e grupit militant palestinez Hamas e kanë shfrytëzuar tunelin për lëvizje të pavërejtur nëpër Rripin bregdetar, shtohet në kumtesën e armatës izraelite.

Ushtarët izraelit para disa javësh ndërmorë objektiva përgjatë Vadi Gaza, në përpjekje për t'i parandaluar ushtarët e Hamasit të lëvizin nëpër tokë ndërmjet dy pjesëve të territorit.

Labirinthi i madh i tuneleve të ndërtuara nga Hamasi - i njohur në gjuhën e folur si "Metroja në Gaza", paraqet sfidë të madhe për forcat e armatosura izraelite, kumtoi DPA.

Nga sulmi terrorist i Hamasit ndaj Izraelit, më 7 tetor, ushtria izraelite bën përpjekje ta shkatërrojë grupin dhe infrastrukturën e saj.

Izraeli vlerëson se tunelet shtrihen për qindra kilometra nëpër Rripin e vogël dhe me popullsi të dendur të Gazës.

Besohet që më shumë se 100 pengje, të cilët ende i mban Hamasi, janë në tunele, Gjithashtu, besohet se shefi i Hamasit në Gaza, Jahja Sinvar dhe komandantët e tij më të lartë fshihen në tunelet në jug të Vadi Gaza në zonën e Kan Junis. sa/