Barcelona, ​​19 korrik 2023 (MIA) - Policia katalanase dyshon në ish-kryetarin e Barcelonës, Zhozep Bartomeu për përvetësim të parave të klubit, publikoi "Cadena SER".

Spanjolli 60-vjeçar përdori kontratën e Barcelonës me "Amalgama Marketing" për të bërë pagesa për përfitime personale. Kjo organizatë ka punuar në fushatën zgjedhore të vetë Bartomeut. Përveç kësaj, pronari i kompanisë, Mikel Sambole, është përfshirë në shembjen e një prej stadiumeve të skuadrës "Mini Estadi". Për këtë, organizata mori 1,5 milionë euro nga Barcelona.

Gjithashtu, një pjesë e parave iu dhanë gazetarëve në këmbim të vlerësimeve pozitive për Bartomeun dhe Barcelonën.

Bartomeu thuhet se ende nuk është akuzuar për korrupsion, ndërsa hetimi vazhdon.

Më herët, prokuroria e Barcelonës ngriti një padi kundër klubit dhe ish-kryetarëve Zhozep Bartomeu dhe Sandro Rosell për një rast të mundshëm korrupsioni në pagesat e ish-nënkryetarit të komitetit teknik të arbitrave, Hoze Maria Henrikes Negreira.

Bartomeu ishte njeriu i parë i Barcelonës nga viti 2014 deri në vitin 2020. ls/

Foto: EPA