Prishtinë, 5 qershor 2024 (MIA) - Ish kryeministri i Britanisë së Madhe, Toni Bler gjatë ditëve të ardhshme pritet ta vizitojë Kosovën, me ç'rast do të mbajë fjalim në Kuvendin republikan, njoftoi korrespondenti i MIA-s nga Prishtina.

Në kumtesën e sotme për mediume të Kuvendit të Kosovës u paralajmërua se nesër Kryesia e Dhomës ligjvënëse do të marrë vendim për seancën solemne, me rastin e vizitës së Blerit.

Ish kryeministri britanik, të cilin në Kosovë e konsiderojnë si një mik të madh të shqiptarëve për shkak të rolit të tij në çlirimin e vendit nga Serbia, më 12 qershor në Ferizaj do të marrë pjesë në ceremoninë me rastin e zbulimit të bustit të tij.

Toni Bler ishte një nga liderët kyç botërorë, së bashku me presidentin e atëhershëm amerikan, Bill Klinton dhe sekretaren amerikane të Shtetit, Medlin Ollbrajt, komandantin e NATO-s, Uesli Klark dhe disa liderë tjerë evropianë, të cilët në vitin 1999 miratuan sulmet e NATO-s ndaj caqeve ushtarake dhe policore të Serbisë dhe ish Jugosllavisë dhe përfundimin e konfliktit në Kosovë, që rezultoi me dëbimin e forcave serbe dhe më vonë shpalljen e pavarësisë së shtetit të Kosovës. bsh/

Foto: EPA