Shkup, 30 tetor 2023 (MIA) - Instituti francez në Shkup sot do të mbajë panarin tradicional për studime në Francë.

Siç kumtoi Instituti francez në Shkup, ngjarja do të hapet nga ministri i Arsimit dhe Shkencës, Jeton Shaqiri, ambasadori i Francës, Siril Bomgartner, si dhe Marko Gjorgjievski, drejtor i Agjencisë nacionale për programe arsimore evropiane dhe mobilitete - "Erazmus plus"

Panairi, sipas organizatorit, është një mundësi për takim të nxënësve të shkollave të mesme, studentëve dhe profesorëve universitarë të vendit tonë, të cilët dëshirojnë të vazhdojnë arsimin e tyre të lartë në Francë, ose të arrijnë bashkëpunim universitar.

"Kjo është një mundësi e shkëlqyer të mirren të gjitha informacionet e nevojshme për ofertën e programeve studimore direkt nga përfaqësuesit e universiteteve franceze të pranishëm në panairin, si dhe informacione për të gjtha aspektet e jetës studentore në Francë, thonë nga Instituti francez në Shkup.

Ngjarja mbahet në organizim të Institutit francez në Shkup dhe agjencisë franceze për arsim të lartë Kampus Frans. ls/

Foto: Instituti francez në Shkup