Xhakarta, 16 janar 2025 (MIA) - Autoritetet e Indonezisë filluan me evakuimin e rreth 3.000 banorëve në afërsi të vullkanit Ibu në ishullin Halmahera, pasi vullkani shpërtheu  dhe hodhi hi katër kilometra në ajër, kumtoi Agjencia për Katastrofa të vendit.

Shpërthimi i vullkanit Ibu ndodhi dje në mëngjes dhe zgjati rreth dy minuta, për shkak të së cilës autoritetet e ngritës nivelin e alarmit në nivel më të lartë në zonat e rrethinës.

"Situata në terren për momentin është stabile", deklaroi Abdul Muhari, zëdhënës i agjencisë indoneziane për uljen e rrezikut nga katastrofat.

Ai paraprakisht deklaroi se në afërsi të vullkanit jetojnë rreth 13.000 njerëz.

Shpërthimi është i fundit në një seri aktivitetesh në Indonezi, i cili gjendet në "Unazën e Zjarrit" të Paqësorit dhe ka 127 vullkane aktive.

Vullkani Ibu kishte seri shpërthimesh vitin e kaluar, ndërsa në maj banorët e shtatë fshatrave të rrethinës duhej të evakuoheshin. sa/

Foto: Arkivi i MIA-s