Stamboll, 13 gusht 2025 (MIA) – Kryetari i Stambollit, Ekrem Imamogllu, i cili është në paraburgim tashmë pesë muaj pas akuzave për korrupsion, deklaroi në një intervistë për “Blumberg” se është i hapur të mbështesë kandidat alternativ opozitar nëse bllokohet kandidatura e tij për kryetar. 

“Madje edhe nëse zyrtarisht më ndalohet, opozita demokratike duhet të mbetet e bashkuar”, porositi Imamogllu përmes përgjigjeve me shkrim të dorëzuara nga këshilltarët e tij. 

Ai shfaqi shpresë se do të mund të marrë pjesë në zgjedhjet e vitit 2028, por edhe se është i gatshëm për betejë të gjatë juridike. Sipas “Blumberg”, në mesin e kandidatëve potencialë opozitarë janë lideri i Partisë Popullore Republikane, Jozgur Jozel, dhe kryetari i Ankarasë, Mansur Jashari. 

Imamogllu i dërgoi edhe thirrje bashkësisë ndërkombëtare që të mos mbetet pasive ndaj situatës me demokracinë në Turqi. fc/

Foto: Arkivi