Shkup, 20 tetor 2024 (MIA) - Ndryshimi i listës pozitive të barnave, korrigjimi i programit të skriningut, protokollet e reja të Klinikës së Onkologjisë me qëllim përmirësimin e kushteve për pacientët, por edhe lehtësimin e punës së mjekëve. kërkohen nga shoqatat e pacienteve femra që vuajnë nga kanceri i gjirit. Tetori është muaji i luftës kundër kancerit të gjirit dhe zhvillohen aktivitete të shumta me qëllim të sensibilizimit të grave, por edhe të burrave për vetëkontroll dhe kontrolle të rregullta.

Katerina Canevska Arsovska, gazetare dhe paciente onkologjike thotë se shteti duhet të veprojë më i organizuar ndaj pacientëve onkologjikë, të ketë mjaftueshëm mjekë dhe personel tjetër mjekësor dhe barna.

“Të ketë mjaftueshëm mjekë, infermierë, shtretër. Shteti duhet të veprojë në mënyrë shumë më të organizuar ndaj pacientëve onkologjikë, drejt plotësimit të kushteve për trajtimin e tyre. Kur shkojnë për të marrë terapi, nuk duhet të kenë frikë nëse terapia do të jetë në dispozicion apo jo. Nuk është e lehtë të mos kesh terapi për dikë nga Shkupi, i cili do të shkojë dhe pastaj do të vijë përsëri, por imagjinoni që kjo t'i ndodhë dikujt që është me kilometra larg kryeqytetit. Prandaj, të gjitha llojet më të mira të terapisë duhet të sigurohen dhe të merren nga të gjithë pacientët që kanë nevojë për këtë. Këtë duhet të bëjë shteti si një nga hapat e parë, si për pacientët onkologjikë që po luftojnë me sëmundjen më të vështirë, ashtu edhe për familjet e tyre, të cilët së bashku me ta udhëheqin atë betejë dhe duhet të ndihmojnë në shërim, na u përgjigj ajo.

Beteja e saj, siç thotë ajo, ka nisur një vit më parë dhe vazhdon ende.

 „Beteja ime nuk ka përfunduar ende. Filloi pikërisht një vit më parë. Nuk i thashë askujt që dyshoja se kisha kancer. Kjo zgjati për një kohë të gjatë, është gabimi më i madh që kam bërë në jetën time. Apeli im për të gjitha femrat është që të kontrollojnë rregullisht veten dhe nëse vërejnë diçka të dyshimtë, të shkojnë menjëherë te mjeku, sepse është shumë më e lehtë për t'u trajtuar, sesa të kalojnë këtë rrugë, që po kaloj unë. Deri në maj kam bërë kimioterapi në Klinikën e Onkologjisë“, ndau ajo me ne.

Canevska Arsovska mësoi se kishte kancer në periudhën kur në vend filloi afera me terapinë biologjike në Klinikën e Onkologjisë. Ajo thotë se kjo ndikoi shumë në situatën e përgjithshme dhe se nuk dinte kujt t'i besonte.

„Ajo që mund të them nga përvoja ime, odiseja ime e luftës kundër kancerit, nisi pikërisht në kohën kur shpërtheu afera për gjoja abuzimin onkologjik. Organet kompetente ende nuk kanë nisur procedurë, mendoj se provat ndoshta janë ende duke u grumbulluar në Prokurori. Dy ditët e para nuk dija asgjë për veten time kur fillova të merrja kimioterapinë“, thotë ajo.

Ajo dëgjoi, lexoi, nuk mund ta besonte atë që po ndodhte, nuk dinte kujt t'i besonte. Kjo, sipas saj, ishte gjëja më e tmerrshme. Sepse askush nuk po tregonte se çfarë po ndodhte në të vërtetë. Shumë pyetje nëse pacientët me kancer kanë marrë apo jo terapi të vërtetë. Ende nuk ka përgjigje për këto pyetje.

Canevska Arsovska thotë se kemi mjekë të trajnuar dhe infermierë shumë të mirë. Mesazhi i saj për të gjithë pacientët që përballen me tronditjen e diagnostikimit me kancer është që të mos dorëzohen kurrë.

“Duhet të kesh vetëm një mendim pozitiv, energji pozitive, pa shqetësime. Duhet mendim i mirë, vullnet dhe vendosmëri e mirë për t'u marrë me kancerin. Ekzaminime të rregullta, mamografi të rregullta, kontrolle të rregullta te mjeku. Nuk ka gjë më të frikshme se të fshihesh dhe të ikësh nga e vërteta”, tha Canevska.

Pacientët me kancer gjiri shpesh ndajnë gjendjen e tyre në grupet e Facebook-ut, duke dashur të ngrenë alarmin se diçka duhet të ndryshojë.

“Sot isha në Onkologji. Gjashtë orë e gjysmë për të marrë terapi të rregullt prej 40 minutash. Grumbull pacientësh si zakonisht. Nuk ka ku të ulesh. Mjekët turbo, të gjithë duan të kryejnë punë dhe kur hyjnë duan t'u kushtojnë vëmendje, shkruan një pacient në Facebook. Ajo tregon se edhe në orën 14:30, kur ka mbaruar terapinë, në korridorin para derës për marrjen e terapisë ka pasur ende grumbull me pacientë.

Fondi i Shëndetësisë njofton disponueshmëri më të madhe të barnave dhe zgjerim të Listës pozitive

Drejtori i Fondit për Sigurimin Shëndetësor, Sasho Klekovski, në një deklaratë për MIA-n thotë se para se disa barna të futen në listën pozitive, fillimisht duhet të regjistrohen për përdorim në shtet. Kostoja e barnave në vendin tonë është diku mbi 150 milionë euro në vit.

“Nuk mund të vendosim në listën Pozitive, një medikament që nuk është sjellë dhe regjistruar në Maqedoni. Pra, dikush duhet ta sjellë ilaçin në Maqedoni dhe ta regjistrojë, ta nxjerrë në shitje dhe më pas me kërkesë të prodhuesit, importuesit, distributorit, të shqyrtojmë arsyet për vendosjen e tij në listën pozitive”, thotë Klekovski.

Nga ana tjetër, shton ai, duke qenë se financimi publik nuk mbulon të gjitha barnat, është çështje e politikës publike se cilat ilaçe duhet të financohen.

“Sipas meje, tek sëmundjet ku ka morbiditet dhe mortalitet më të lartë, aty ku sa më shpesh ndodh që njerëzit sëmuren dhe vdesin nga ato sëmundje, këtu duhet të përpiqemi të përditësojmë”, thekson Klekovski, duke shtuar se kjo duhet të mundësohet  edhe financiarisht.

Një nga hapat e parë të ardhshëm, siç paralajmëroi drejtori, do të jetë vënia në dispozicion në farmaci të disa prej barnave në trajtimin spitalor, në mënyrë që të mos ketë nevojë që pacientët të shkojnë në spital për të marrë terapinë ose për të kërkuar rimbursim më pas në sportelet e Fondit. Qëllimi, shton ai, është që Klinika e Onkologjisë të çlirohet nga turmat e pacientëve që presin .

Klekovski thotë se planifikojnë edhe mjete shtesë për vitin 2025 për zgjerimin e Listës pozitive.

Bllazhe Darudov

Elizabeta Veljanovska Najdeska

Video: Asllan Vishko, Sërgjan Kërstiq

Foto: arkivi i MIA-s