Shkup, 10 janar 2025

Lideri i Alternativës, Zeqirija Ibrahimi ka komentuar dështimin e interpelancës për shkarkimin e zëvendëskryeministrit Izet Mexhiti dhe zëvendësministrit të Brendshëm, Astrit Iseni.

Sipas Ibrahimit, me iniciativa të ndryshme që po inicon, opozita tenton ta mbrojë krimin dhe t’i shpëtojë përgjegjësisë.

“Opozita “Non Grata” e ka humbur busullën politike, duke tentuar ta defokusojë vëmendjen e opinionit me iniciativën për interpelancë ndaj zëvendëskryeministrit të parë, Izet Mexhiti, dhe zëvendësministrit të Punëve të Brendshme, Astrit Iseni.

Dita e sotme flet se ata, për t’i mbrojtur krimet e tyre dhe për t’i shpëtuar përgjegjësisë, provojnë çdo gjë.

Interpelanca nuk kalon. Përgjegjësi do të ketë!”, ka shkruar Ibrahimi.

Alternativa

______________________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.