Uashington, 23 korrik 2024 (MIA) - Zëvendëspresidentja amerikane Kamala Harris, theu rekorde në mbledhjen e mjeteve për fushatën e saj për të qenë kandidatja e Partisë Demokratike në zgjedhjet presidenciale në nëntor, pasi presidenti Xhozef Bajden të dielën u tërhoq nga gara për rizgjedhje.

Ekipi i Kamala Harris mblodhi më shumë se 81 milionë dollarë për vetëm 24 orë, pasi Bajden publikoi vendimin e tij, deklaroi mbrëmë zëdhënësi i fushatës Kevin Munjoz. Kjo është shuma më e madhe e mbledhur në 24 orë edhe nga demokratët edhe nga republikanët.

Fushata e Kamala Harris publikoi se kjo ishte gjithashtu shuma më e madhe e mbledhur në një fushatë zgjedhore amerikane për një ditë në historinë e SHBA-së. rq/bsh/

Foto: arkivi i MIA-s