Kajro, 28 prill 2024 (MIA) - Një zyrtar i lartë i Hamasit deklaroi sot se grupi do të përgjigjet ndaj propozimit të fundit të Izraelit për armëpushim në Gazë të hënën në Egjipt.

"Një delegacion i Hamasit i udhëhequr nga Kalil al-Haja do të arrijë në Egjipt nesër... dhe do të japë përgjigjen e lëvizjes ndaj propozimit izraelit gjatë një takimi me zyrtarët e inteligjencës egjiptiane", tha funksionari, i cili nuk pranoi të përmendet emri, në një deklaratë për mediat franceze.