Shkup, 12 nëntor 2024 (MIA) - Prokurori i lartë publik i Prokurorisë së lartë publike në Shkup, Mustafa Hajrullahi, i cili prej dje është pezulluar nga posti, akuzoi sot në konferencë për media para Prokurorisë se kallëzimi penal kundër tij e parashtruar nga prokurori publik republikan, ka tendencë ta largojë dhe ta heshtë atë, si dhe të frikësojë kolegët e tjerë që veprojnë në përputhje me ligjin, e në mënyrë që, siç tha ai, të miratojnë vendime të porositura.

Sipas Hajrullahit, mbikëqyrja e punës së Prokurorisë së lartë publike u bë pasi ai u thirr nga Prokuroria Publike më 19 shtator, dhe iu tha se në lidhje me rastin me bonuset e PSP-së, ai duhet të marrë një vendim që konfirmon vendimin e shkallës së parë nga PTHP NKOK.

Mbikëqyrja ka ndodhur, por, siç theksoi Hajrullahi, ata ende nuk kanë marrë raport, megjithëse ka kaluar afati ligjor prej 30 ditësh, në të cilin duhet të dorëzohet raport në Prokurorinë e Lartë Publike me konkluzione për mbikëqyrjen e kryer.

"Tashmë kanë kaluar 30 ditë nga mbikëqyrja e kryer, sepse mbikëqyrja ishte planifikuar më 10 tetor. Tashmë ka kaluar një muaj, por ende nuk kemi raportin për mbikëqyrjen e kryer. Do t'ju them Nga informacionet e mia se raporti nuk dorëzohet për të hequr turpin nga ana e prokurorit publik që sillet brutalisht Prokurorinë e Lartë Publike, sepse nga tre prokurorët dy kanë refuzuar të nënshkruajnë raportin për mbikëqyrjen e kryer, sepse nuk pajtohen me konstatimet e një prokurori publik, i cili ishte i përfshirë paraprakisht në mbikëqyrje dhe për këtë arsye raporti nuk është dorëzuar deri më sot", deklaroi Hajrullahi.

Kontestuese në të gjithë mbikëqyrjen, sipas Hajrullahit, është ajo se tre prokurorët publikë, dy vetë sipas fuqisë së ligjit nuk duhet të marrin pjesë në mbikëqyrje, për arsye se prokurori Edmin Veli deri paralargimit të tij në PPRMV ishte zëvendësi i tij dhe prokurori i parë që merret në mënyrë aktive me të gjitha rastet në Prokurorinë e Lartë Publike Shkup, ndërsa prokurorja Lile Stefanova, meqë ushtrohej mbikëqyrje në lëndët e ish- PSP-së , përkatësisht rasti i njohur si “Banka postare” dhe rasti kundër të akuzuarit të atëhershëm Dragan Pavlloviq Llatas.

Lidhur me regjistrimin e gazetares, Hajrullahi tha se kjo nuk është e drejtë, por se ka Ligj për sinjalizuesit.

"Ligji për sinjalizuesit e rregullon këtë në mënyrë strikte. Si prokuror publik, nëse nuk e deklaroj, domethënë nëse i fsheh të gjitha këto, do të jem pjesë e atyre që veprojnë në mënyrë të paligjshme ”, tha Hajrullahi.

Sipas Hajrullahit, e gjithë vëmendja është devijuar dhe i është dhënë një drejtim krejt tjetër gjithë ngjarjes, që nga fakti që vajza e një prokurori republikan sjell të dhëna nga kabineti i prokurorit, e deri tek ajo se kush e ka filmuar gazetaren.

"Më vjen shumë keq për çdo gjë që ndodhi. Fama, rreth asaj se kush e ka filmuar gazetaren. Gazetarja, kjo është edhe punë e saj dhe kjo është legjitime që ajo të ulet me këdo. Por, nuk është e ligjshme nga një prokuror publik republikan të japë informacione për publikun përmes vajzës së tij", tha Hajrullahi.

I pyetur për koment për deklaratat e kryeministrit Hristijan Mickoski për punën e prokurorëve, Hajrullahi tha se nuk dëshiron të jep konotacion politik të gjithë situatës.

"Thjesht dua të transmetohet gjithë presioni që po më bëhet mua dhe institucionit të Prokurorit të Lartë Publik për dy gjëra. Gjëja kryesore është për bonuset e lëndëve për ish-prokurorët e PSP-së dhe informacioni i dhënë nga vajza e prokurorit republikan për publikun", tha Hajrullahi.

Lidhur me kallëzimin penal ndaj tij nga të punësuarit në Prokurorinë e Lartë Publike, Hajrullahi shprehet se nuk e di se për çfarë bëhet fjalë.

"Sinqerisht, as nuk e di se çfarë është kallëzimi penal, as nga kush është. Nuk kam asnjë informacion dhe tashmë është hapur hetim. Kështu që, edhe kjo është në kundërshtim me Ligjin për procedurën penale. Nuk mund të bëhet hetim, pa kërkuar përmës telefonit të njoftohem se kundër meje zhvillohet hetim. Ose, nëse asgjë tjetër, me shkrim, si për secilën palë dhe të denoncuar të shkoj dhe të japa mbrojtjen time", deklaroi Hajrullahi.

I pyetur se çfarë ishte e diskutueshme në rastin e bonuseve të PSP-së, Hajrullahi tha se nuk mund të flet për lëndët, por theksoi se prokurori që vepron ndaj lëndës ende po e studionte atë, meqë bëhet fjalë për lëndë voluminoze.

"Pasi prokurori që vepron ndaj lëndës do të ketë qëndrim konkret për vendimin e PTHP NKOK, atëherë do të dalim me konferencë për media dhe do të themi vendimin që do të shpallet nga prokurori që vepron ndaj asaj lënde," deklaroi Hajrullahi.

Prokurori publik shtetëror, Hajrullahi, theksoi se i kishte thënë konkretisht në bisedë se vendimi i shkallës së parë duhet të konfirmohet dhe se nuk duhet partia politike, përkatësisht parashtruesi kallëzimit penal, të ketë statusin e palës së dëmtuar.

"Nuk më ka dhënë hapësirë për tu sqaruar dhe për të thënë nëse do të ketë referim, nëse prokurori e ka studiuar lëndën, nëse prokurori vepron për çështjen, pse sinqerisht nuk e di përmbajtjen e çështjes, e cila është e gjerë dhe ende po punohet. E, unë nuk mundem dje ka arritur lënda, nesër të them se cili do të jetë vendimi”, deklaroi Hajrullahi.

Hajrullahi gjithashtu hodhi poshtë akuzat e Kocevskit se reagimi i tij vjen pasi filloi mbikëqyrja e punës së Prokurorisë së Lartë Publike në Shkup.

"Jo, nuk është e vërtetë. Mbikëqyrja ka përfunduar, ende nuk kemi raport të mbikëqyrjes së kryer. Këto janë konstatimet dhe është mirë kur ka mbikëqyrje mbi punën e prokurorisë së ulët, sepse ne, si Prokurori e Lartë Publike, mbikëqyrim edhe prokuroritë e ulëta publike. Me këtë, ndihmohet në të dyja anët të eliminohen të gjitha parregullsitë, respektivisht anomalitë në punën e prokurorive më të ulëta publike", tha Hajrullahi.

Hajrullahi, ndër të tjera, theksoi se për çdo rast, i cili është trajtuar në interes të publikut, është njoftuar prokurori publik republikan.

I pyetur për marrëdhëniet ndërpersonale në Prokurorinë e Lartë Publike në Shkup, Hajrullahi tha se ai as nuk e di se kush është ai dhe as nëse ankesa me shkrim për mobing është kthyer në ankesë penale ose ka një ankesë specifike penale, ai nuk di dhe nuk mund të thotë, por theksoi se ka shumë gjëra që, siç thotë ai, duhet të lidhen logjikisht, duke theksuar se ankesa penale kundër tij në Prokurorinë Publike në Shtip është paraqitur pikërisht më 31 tetor, ditën kur ai deklaroi publikisht se po sillte informacion për publikun përmes vajzës së tij.

“Më tregoni nëse mund të krijohet pasqyrë e një institucioni me katër të punësuar në prokurori, të cilën unë e pretendoj, dhe ata erdhën tek unë dhe më thanë: Prokuror, ne jemi të udhëzuar, na kanë gënjyer dhe e gjithë kjo është bërë me tendencë, pse na është thënë, se përmes kësaj do të shkarkoheni dhe prokurori që ka pretendime do të zërë vendin tuaj”, tha Hajrullahi. Prokuroria Themelore Publike Shtip dje ka miratuar urdhër për zbatimin e procedurës hetimore kundër Hajrullahit, i cili në mënyrë të arsyeshme dyshohet se ka kryer vepër të zgjatur penale të “malltretimit gjatë kryerjes së detyrës” sipas nenit 143, si dhe vepër të zgjatur penale të “shpërdorimit të detyrës dhe autoritetit” sipas nenit 353 të Kodit Penal.

Foto: MIA