Shkup, 2 shkurt 2026

Kuvendi zgjedhor i degës së PDSH-së në Bogovinë ka mbajtur mbledhje në prani të kuvendarëve të degës si dhe përfaqësuesve të strukturave më të larta partiake.

Me votë unanime, për kryetar të degës së PDSH-së në Bogovinë u zgjodh Gzim Dauti.

Dauti falënderoi anëtarësinë për besimin e dhënë, duke u zotuar se do të angazhohet për forcimin e mëtejmë të degës, rritjen e aktivitetit politik dhe përfaqësimin dinjitoz të interesave të qytetarëve të Komunës së Bogovinës.

“Zgjedhja e kryetarit të ri paraqet një hap të rëndësishëm drejt konsolidimit organizativ të PDSH-së dhe përgatitjes së saj për sfidat e ardhshme politike”, thonë nga Sekretariati për informim i PDSH-së.

Partia Demokratike Shqiptare