Shkup, 17 shkurt 2023 (MIA) -  Qeveria e Republikës së Sllovenisë në prioritetet e saj për rajonin, veçanërisht i  veçon ndihmën dhe mbështetjen për Republikën e Maqedonisë së Veriut dhe Bosnjë e Hercegovinën dhe integrimin në BE. Në këtë kontekst, Qeveria vë në dispozicion të gjithë kapacitetin e saj dhe ka siguruar mjete dhe ndihmë teknike përkatëse për shfrytëzim nga ana e institucioneve të Republikës së Maqedonisë së Veriut.

Këtë, siç kumtoi pres shërbimi kuevdor, e ka theksuar kryetari i Qeverisë së Sllovenisë, Robert Golob, në takimin me kryetarin e Kuvendit të Republikës së Maqedonisë së Veriut, Talat Xhaferi, i cili është për vizitë zyrtare në Sllovenia. 

Kryetari Xhaferi, ndërkaq, theksohet, i përshëndeti marrëdhëniet tradicionale miqësore dhe dinamikën e shkëlqyer të takimeve në të gjitha nivelet dhe shprehu  falënderim veçanërisht për mbështetjen aktuale të policisë sllovene në kufirin Maqedonia e Veriut - Greqi, si pjesë e aksionit të përbashkët për menaxhim me rritjen  e flukseve të  migrimit, sipas protokollit të nënshkruar mes ministrive të punëve të brendshme të të dyja shteteve.

Në bisedimet e Xhaferit me nënkryetaren e Qeverisë dhe ministre e Punëve të Jashtme Tanja Fajon,  u përshëndet kryesimi i  Republikës së Maqedonisë së Veriut me Organizatën për Siguri dhe Bashkëpunim në Evropë (OSBE) dhe me Procesin për Bashkëpunim me Evropën Juglindore (PBEJL), me mbështetjen e deklaruar të hapur të vendit tonë dhe prioritetet e parapara në kuadër të këtyre proceseve.

"Ajo që veçanërisht  u theksua  është se momenti për përshpejtimin e procesit të zgjerimit si rezultat i ngjarjeve  në Ukrainë  nuk duhet humbur dhe se Sllovenia do të bëjë gjithçka  që është në fuqinë e saj të njëjtën të mos e humbasë dinamikën, ndërsa  vendet kandidate duhet të vazhdojnë me reformat e kërkuara", theksohet në kumtesë. 

Kryetari Xhaferi dërgoi kërkesë për përfshirjen e Sllovenisë si urë lidhëse midis Republikës së Bullgarisë dhe Republikës së Maqedonisë së Veriut në kuadër të BE-së, duke pasur parasysh njohjen e mirë të rajonit dhe përvojën praktike në qasjen dhe tejkalimin e çështjeve të hapura me fqinjët para dhe pas anëtarësimit në Bashkimin Evropian. thuhet në kumtesën e pres shërbimit kuvendor.   ar/