Shkup, 3 tetor 2025 (MIA) – Këshilli për vlerësim të aktakuzës në kuadër të Gjykatës Penale Shkup, duke vepruar sipas akuzës K-OOA nr. 155/25, në lidhje me zjarrin në diskotekën “Puls” në Koçan, pas përmbushjes së të gjitha kushteve të parapara me ligj, mori Vendim me të cilin aktakuza miratohet në tërësi. 

Nga Gjykata Penale sot informojnë se siç është bërë e ditur në të gjitha kumtesat e mëparshme dhe përgjigjet mediatike, me qëllim të njoftimit të vazhdueshëm, të saktë dhe me kohë të publikut, Gjykata në procedurën konkrete i angazhoi të gjitha burimet në dispozicion për veprim me kohë dhe me ligj, që të mos krijohen lëshime të panevojshme të cilat do ta komprometonin procedurën. 

Për këtë, siç thonë nga Penalja, është e nevojshme që publiku ta ketë rrjedhën kronologjike të procedurës. 

“Më 25.06.2025, Gjykata Supreme e Republikës së Maqedonisë miratoi vendimin KR–35/25, i cili përcaktoi Gjykatën Themelore Penale të Shkupit si atë me juridiksion faktik dhe territorial për të vepruar mbi aktakuzën, duke vlerësuar se lënda duhet të trajtohet nga "gjykatës me përvojë dhe njohuri të fituara për çështjet penale, të cilat do të mundësojnë procedura efikase, profesionale dhe ligjore, si dhe do të kontribuojnë në rritjen e ndërgjegjësimit publik", thuhet në kumtesën e Gjykatës Themelore Penale të Shkupit.

Më 2 korrik 2025, siç bëhet e ditur në kumtesë, Gjykata Themelore në Koçan në Gjykatën Themelore Penale Shkup ka dorëzuar aktakuzë, ndërsa më 8 korrik 2025 ka dorëzuar edhe plotësim të të njëjtës. 

“Menjëherë pas pranimit të aktakuzës, ajo iu shpërnda Departamentit për të Rritur Penalë. Duke qenë se bëhet fjalë për një aktakuzë që, sipas dispozitave ligjore, duhet të vlerësohet nga një këshill, akti iu shpërnda përmes sistemit AKMIS gjykatëses Monika Bahçovanovska, e cila vepron si kryetare e Këshillit për Vlerësimin e Aktakuzës. Sipas Orarit Vjetor në Këshillin për Vlerësim, së bashku me gjykatësen Monika Bahçovanovska, janë gjykatëset  Biljana Kocevska dhe gjykatësja Branka Naumovska. Këta dy gjykatës kërkuan përjashtim nga Këshilli për vlerësim, sepse vajza e gjykatëses Biljana Kocevska - avokatja Ivana Kocevska është avokate mbrojtëse e disa prej të dyshuarve, dhe gjykatësja Branka Naumovska është në lidhje familjare me njërën nga viktimat, arsye që janë parashikuar në ligj si bazë për përjashtim. Pas përjashtimit të këtyre dy gjykatëseve, dy gjykatës nga Departamenti i Specializuar për Gjykimin e Veprave Penale në Fushën e Krimit të Organizuar dhe Korrupsionit janë emëruar si gjykatës që do të veprojnë në fazën e vlerësimit, përkatësisht gjykatësja Sofçe Gavrilova Efremov dhe gjykatësi Ilija Trpkov. Emërimi i tyre bëhet në të njëjtën mënyrë siç vlerësohen aktet e Departamentit për Krimin e Organizuar dhe Korrupsionin nga gjykatës të Departamentit për të Rritur Penalë (dhe kjo për shkak të faktit se gjykatësit që e kanë vlerësuar aktin nuk mund të marrin pjesë në procedurën e shqyrtimit kryesor, dhe me qëllim që Gjykata Themelore Penale e Shkupit, si gjykata më e madhe në vend, të mos ketë gjykatës që do të veprojnë në këtë rast). Dy anëtarët e këshillit të vlerësimit janë emëruar me radhë sipas orarit vjetor, siç parashikohet në Rregulloren e Punës së Gjykatës”, theksojnë nga Gjykata Penale.

Nga aty theksojnë se derisa këshilli tashmë vepronte për lëndën, më 15 korrik 2025 prokurori publik i RMV-së në Gjykatën Themelore Penale Shkup ka dorëzuar vendim me të cilin si prokurori kompetente për veprim për akuzën në lidhje me zjarrin përcaktohet PTHP Shkup. 

“Duke pasur parasysh se bëhet fjalë për aktakuzë në të cilën ka 37 të akuzuar që kanë 33 avokatë mbrojtës, ishte jashtëzakonisht e vështirë t'ua dorëzohej aktakuza të gjithëve, veçanërisht për shkak se masat e paraburgimit për një numër të madh të tyre ishin zëvendësuar, kështu që në momentin e dorëzimit, kryetari i Këshillit të Vlerësimit kishte vështirësi të përcaktonte se cili i akuzuar kishte cilën masë dhe ku ndodhej në mënyrë që të mund ta kryente dorëzimin. Vështirësi të veçanta kishte edhe në dorëzimin e aktakuzës disa prej avokatëve mbrojtës të cilët, pavarësisht se ishin njoftuar për datën e dorëzimit, ende nuk u gjetën në zyrat e tyre. Ne e kryem dorëzimin përmes shërbimeve gjyqësore të Gjykatës Themelore Penale të Shkupit, të gjitha me qëllim që të shmangnim vonesat nëse dërgohej me postë të rregullt”, bëhet e ditur në kumtesën nga Penalja.

Një problem shtesë, siç u theksua në kumtesë, u shfaq gjatë dorëzimit, sepse në aktakuzën e dorëzuar fillimisht, para se të ndryshohej, dispozitivi nuk i kishte renditur plotësisht të dhënat personale të të akuzuarve nga Gjykata Themelore e Koçanit, si dhe vendimet për adresat ku vuhet masa e arrestit shtëpiak, të cilat duhej të kontrolloheshin në mënyrë plotësuese nga Gjykata Penale.

“Por pavarësisht të gjithave, gjykata mori plotësisht parasysh ndjeshmërinë e procedurës, interesin publik dhe, mbi të gjitha, ndjeshmërinë e mbi 250 të dëmtuarve dhe familjeve të atyre që vdiqën në zjarr. Për këtë arsye, ajo u përpoq të përmbushte të gjitha detyrimet ligjore në mënyrën më efikase dhe të vlerësonte aktin brenda afatit të përcaktuar ligjor”, thonë nga Gjykata Penale.

Nga aty theksojnë se Këshilli për vlerësim ka marrë Vendim K-OOA nr. 155/25 më 03.10.2025me të cilin e miratoi aktakuzën në tërësi, pas çka formoi lëndë penale K.nr. 1872/25.

“Siç kemi theksuar, në procedurat e mëparshme për këtë rast, gjykatësja Biljana Kocevska dhe gjykatësja Branka Naumovska u përjashtuan nga këshilli vlerësues, ndërsa gjykatësi Ivica Stefanovski u përjashtua gjithashtu nga procedura në këshillin penal, për shkak të faktit se motra e tij dhe një avokat mbrojtës me të cilin është i lidhur nga kumbari paraqiten si avokatë mbrojtës në këtë rast, ndërsa gjykatësja Elizabeta Postolovska, e cila nuk ka përvojën e kërkuar ligjërisht, nuk mund të veprojë në këtë rast dhe për shkak të gjithë kësaj, gjatë shpërndarjes së lëndës, këta gjykatës përjashtohen nga shpërndarja automatike në sistemin AKMIS”, theksojnë nga Gjykata Penale.

Lënda sipas sistemit AKMIS është shpërndarë te gjykatësi kompetent për veprim të mëtutjeshëm, ndërsa për gjitha veprimet e mëtutjeshme në lidhje me lëndën konkrete, siç është bërë e ditur në kumtesë, palët dhe publiku do të njoftohen. 

Në zjarrin në diskotekën “Puls” në Koçan, i cili ndodhi më 16 mars të vitit 2025, humbën jetën 62 të rinj, ndërsa mbi 200 ishin lënduar. fc/

Foto: Arkivi i MIA-s