Shkup, 10 nëntor 2025 (MIA) – Kryetari i Qytetit të Shkupit, Orce Gjorgjievski sot u takua me zëvendëskryetarin e Qeverisë dhe ministër i Transportit, Aleksandar Nikolloski. 

Siç njoftoi Gjorgjievski në Fejsbuk, takimi me zëvendëskryeministrin ishte konstruktiv dhe biseduan për projektet e përbashkëta të cilat do t’i realizojnë, ndërsa të cilat do të sjellin përfitim të vërtetë për të gjithë banorët e qytetit tonë. 

“Po e zhvillojmë Shkupin së bashku! Temat kryesore të takimit ishin përmirësimi i sistemit të transportit përmes zbatimit të projektit Treni urban, furnizimi i autobusëve të rinj ekologjikë për transportin urban, si dhe modernizimi i infrastrukturës në Shkup. Ministri Nikolloski theksoi angazhimin e fuqishëm të Qeverisë për zbatimin e investimeve kapitale në kryeqytet si themel i zhvillimit të tij të ardhshëm”, shkroi Gjorgjievski.

Siç potencoi kryetari i komunës, bashkë me zëvendëskryeministrin përfunduan se Shkupi ka nevojë për plan të ri për transformim të sistemit urban të komunikacionit, i cili do të sjellë efikasitet më të madh, ekonomi dhe cilësi më të mirë të jetës për qytetarët. 

“Pas fillimit të ndërtimit të linjës së parë nga tre linjat e Trenit urban, prioriteti i radhës do të jetë përgatitja e dy linjave të tjera drejt Gjorçe Petrovit dhe Milladinovcit. Qyteti i Shkupit tashmë është në komunikim me Qeverinë e Republikës së Maqedonisë për furnizimin e autobusëve të rinj ekologjikë që do ta ngrenë ndjeshëm transportin publik në nivel të lartë. Shpreh sinqerisht mirënjohjen time për kryeministrin Hristijan Mickoski, ministrin Aleksandar Nikolloski dhe të gjithë Qeverinë për mbështetjen dhe vizionin e tyre të vazhdueshëm. Shkupin do ta zhvillojmë së bashku, me punë, me përkushtim dhe me qëllim të qartë - të ndërtojmë një qytet modern dhe funksional në të cilin të gjithë do të jetojmë më mirë”, thekson kryetari Gjorgjievski. fc/

Foto: Fejsbuku i Orce Gjorgjievskit