Shkup, 28 tetor 2025 (MIA) - Kandidati për kryetar të Shkupit i VMRO-DPMNE-së dhe koalicionit Orce Gjorgjievski deklaroi sonte se për shkak të daljes së ulët në raundin e parë të zgjedhjeve lokale, nuk fitoi dhe se beson se të dielën, më 2 nëntor, kur do të mbahet raundi i dytë i zgjedhjeve, qytetarët do të dalin në numër më të madh dhe se ai do të fitojë.

Gjorgjievski theksoi se deri më tani nuk ka pasur dallim prej 60,000 votash midis kundërkandidatëve në zgjedhjet lokale në Qytetin e Shkupit, siç është dallimi midis tij dhe Amar Mecinoviqit nga E Majta.

Gjatë prezantimit të kandidatëve për kryetar të qytetit të Shkupit në debatin në Kanal 5, Gjorgjievski theksoi se është politolog dhe vjen nga sektori privat, si dhe se është krenar që është anëtar i VMRO-DPMNE-së. Mecinoviq, nga ana tjetër, tha se ka studiuar Studime Politike, por nuk ka diplomuar, se ka punuar në vende të ndryshme pune, përfshirë edhe si punonjës i pavarur, dhe se është krenar për këtë.

Në debat, Gjorgjievski e pyeti Mecinoviqin, i cili është deputet nga E Majta, nëse do të jepte dorëheqje pas humbjes të hënën. Ai tha se duhet ta pyesin për këtë atëherë dhe se ai mund të jetë fituesi të hënën. sa/

Foto: Printskrin