Shkup, 22 tetor 2023 (MIA) - Gjatë vizitës së rregullt në territorin e Komunës së Gjorçe Petrovit nga inspektor i autorizuar për mjedis jetësor pranë Komunës së Gjorçe Petrovit është hasur në mbetje të rrezikshme në afërsi të fshatit Orman në sasinë e vlerësuar prej rreth 500 deri në 600 tonë.

Siç është publikuar në faqen në Fejsbuk të Inspektoratit shtetëror të mjedisit jetësor mbetjet janë locuar javën e kaluar.

"Sipas gjendjes së konstatuar në terren, ndërsa sipas Listës së llojeve të mbetjeve (Gazeta Zyrtare e RMV-së nr. 100/2005), bëhet fjalë për mbetje me kodin 10 04 - Mbetje nga pirometalurgjia e plumbit, 10. 04 01* - nga prodhimi primar dhe sekondar që sipas klasifikimit bën pjesë në klasën e mbetjeve të rrezikshme, njofton Inspektorati.

Prej atje theksojnë se sipas gjendjes së konstatuar në terren dhe vlerësimit të rrezikut, inspektori i autorizuar për mjedis jetësor në rrugë zyrtare ka filluar procedurën e inspektimit dhe ka urdhëruar pronarët e tokave që mbetjet e rrezikshme të dislokohen nga parcelat kadastrale në fshatin Orman në një vend adekuat për atë lokacion brenda 30 ditëve nga dita e marrjes së vendimit.

Foto: Inspektorati shtetëror i mjedisit jetësor