Shkup, 28 maj 2025

Kryetari Afrim Gashi e prezantoi para gazetarëve Raportin për vitin e parë të mandatit, duke u dërguar qytetarëve një mesazh se Kuvendi nuk është tempull i pushtetit, por shtëpi e çdo qytetari.

Duke filluar nga 28 maji i vitit të kaluar, kur u zgjodh në funksion, Kryetari Gashi është udhëhequr nga gjashtë shtylla strategjike në punën e tij:

- Efikasiteti dhe efektiviteti, në mënyrë që Kuvendi të mbajë 50 seanca plenare dhe 332 mbledhje të komisioneve në një vit. Miratoi rreth 280 akte ligjore, që është rreth 50% më shumë se mesatarja vjetore në mandatin e mëparshëm, ndërsa vetëm katër ligje u miratuan me flamurin e BE-së.

- Transparenca dhe digjitalizimi, në mënyrë që, me mbështetjen e partnerëve tanë, të lansohen tri platforma të reja digjitale: "E-Regjistri", "Pyete Kuvendin" dhe "Ueb-platforma për Zyrat e Kontaktit me Qytetarët".

- Llogaridhënia dhe mbikëqyrja - u mbajtën shtatë seanca me pyetje të deputetëve nga opozita - një praktikë e re që e forcon rolin mbikëqyrës. Gjithashtu, u shqyrtuan 12 interpelanca, përkundër 8 gjatë gjithë mandatit të mëparshëm. Ndërkohë, u mbajtën rreth dhjetë debate publike dhe dy debate mbikëqyrëse, duke mundësuar një fokus të drejtpërdrejtë në mekanizmat formalë për kontrollin institucional.

- Diplomacia parlamentare - u realizuan 14 vizita zyrtare në kryeqytetet më të rëndësishme botërore dhe evropiane. Gjithashtu, gjatë këtij viti, në Kuvend u mbajtën gjashtë pritje solemne të shefave të shteteve dhe 178 takime zyrtare me delegacione dhe ambasadorë.

- Transparenca dhe qasja në punën e Kuvendit, kështu që gjatë një viti u regjistrua numri më i madh i vizitorëve deri më tani - 10.741 vizitorë. U hapën 50 nga 75 zyrat e planifikuara për kontakt me qytetarët, ndërsa Kuvendi organizoi edhe rreth 63 ngjarje publike.

- Ngritja e kulturës politike, e cila është parimi thelbësor dhe njerëzor që duhet të jetë udhërrëfyes në punën e deputetëve për përfaqësim dinjitoz të qytetarëve.

Në konferencën për shtyp, me rastin e përvjetorit të marrjes së funksionit, Kryetari Gashi theksoi se që nga dita e parë ka punuar me përkushtim për të ndërtuar një lidhje të fortë të komunikimit midis institucionit dhe popullit.

"Ky vit nuk ka qenë i thjeshtë dhe i lehtë, por duke marrë mandatin e pranova përgjegjësinë dhe mundësinë për të realizuar një vizion të qartë - krijimin e Kuvendit Popullor të hapur, transparent dhe efikas, gjithmonë në shërbim të qytetarëve. Prioriteti im ishte, sigurisht, realizimi i funksionit legjislativ, përmes konvokimit të rregullt të seancave, vendosjes së praktikave të drejta dhe të barabarta, duke përfshirë edhe parandalimin e keqpërdorimit të flamurit të BE-së, si dhe koordinimin dhe zhvillimin e dialogut konstruktiv me deputetët dhe aktorët institucionalë me qëllim të arritjes së konsensusit në vendimmarrje", theksoi Kryetari Gashi.

Ai iu referua edhe aktiviteteve të ndërmarra në drejtim të forcimit të diplomacisë parlamentare dhe rritjes së ndikimit të Kuvendit në skenën ndërkombëtare, me qëllim që të pozicionohet si partner i besueshëm dhe të ofrojë mbështetje për aspiratat tona evropiane.

Theksoi se transparenca dhe digjitalizimi janë themeli i qasjes së tij udhëheqëse, kështu që gjatë këtij viti u lansuan tri platforma digjitale, të cilat e lehtësojnë qasjen në informacionet dhe e rrisin përfshirjen.

Duke folur për komunikimin me mediat dhe publikun, Gashi përmendi intervistat dhe deklaratat e shumta, si dhe takimet e rregullta me gazetarët, me qëllim që puna e Kuvendit të jetë sa më e dukshme dhe transparente.

Me këtë rast, Kryetari i Kuvendit, përveç gazetarëve, shprehu mirënjohje për të gjithë deputetët, anëtarët e kabinetit, punonjësit e Shërbimit Parlamentar, si dhe partnerët ndërkombëtarë, të cilët, siç tha ai, kontribuan në përmbushjen e vizionit për një Kuvend më funksional, më transparent dhe më të respektuar - brenda dhe jashtë vendit.

Kuvendi i Republikës së Maqedonisë së Veriut

_______________________________________________________________________________________________________

***MIA i publikon këto tekste në formë integrale dhe nuk mban përgjegjësi për përmbajtjen e tyre***