Shkup, 27 maj 2025 (MIA) - Kryetari i Kuvendit të Republikës së Maqedonisë së Veriut, Afrim Gashi, sot u takua me kryetarin e Fondacionit Konrad Adenauer (KAS) dhe ish-kryetarin e Bundestagut Gjerman, prof. dr. Nobert Lamert. 

Siç informojnë nga pres shërbimi i Kuvendit, Gashi, duke e uruar z. Lamert për këtë përvjetor të rëndësishëm për Fondacionin Konrad Adenauer, i cili shënon 25 vjet punë të Fondacionit në Republikën e Maqedonisë së Veriut, nënvizoi kontributin e tij në zhvillimin demokratik të vendit.  

Gashi iu referua kontributit dhe proceseve që Fondacioni Konrad Adenauer ka zbatuar në fushat e sundimit të së drejtës, përparimit demokratik, dialogut ndërpartiak, si dhe mbështetjes së studentëve për të studiuar në Republikën Federale të Gjermanisë.

Kryetari e njoftoi mysafirin me aktivitetet aktuale në Kuvend, zhvillimet politike në vend, si dhe reformat që po zbatojmë drejt integrimit në Bashkimin Evropian.

Lamert, duke falënderuar për pritjen e ngrohtë dhe përshtypjet pozitive që ndau Kryetari Gashi, theksoi se ky përvjetor është veçanërisht i rëndësishëm për Fondacionin, pasi konfirmon se mendjemprehtësia e Adenauerit, si dhe vizioni dhe qasja e tij e moderuar, janë të gjera dhe të vlefshme edhe 70 vjet pas mandatit të tij. 

Nga pres shërbimi i Kuvendit theksojnë duke pasur parasysh se Fondacioni Konrad Adenauer ka mbi 70 zyra përfaqësuese në 120 vende, takimi i sotëm në Kuvend është konfirmim i rëndësisë që Fondacioni i kushton bashkëpunimit me Republikën e Maqedonisë së Veriut dhe Kuvendin.

Lamert iu referua bashkëpunimit me vendin tonë deri më tani dhe projekteve të suksesshme që janë realizuar falë dyerve të hapura të partive politike dhe politikanëve.

Bashkëbiseduesit ranë dakord që bashkëpunimi dhe puna e Fondacionit Konrad Adenauer me Kuvendin duhet të vazhdojë në të ardhmen, veçanërisht në fushën e rolit mbikëqyrës të Kuvendit, avancimit të diplomacisë parlamentare dhe përmirësimit të perceptimit të qytetarëve për Kuvendin. Në proceset aktuale dhe të ardhshme, është veçanërisht e rëndësishme që Fondacioni Konrad Adenauer të gëzojë një reputacion midis qytetarëve dhe shoqërisë civile. 

 Foto: Kuvendi