Shkup, 9 prill 2024

Paska dalë në Çair falsifikatori i thirrjes akademike Arbër Ademi për të mashtruar edhe njëherë. Pak ju duk mashtrimi që bëri me thirrjen akademike docent duke qenë ministër dhe tash me gojën plot sërish po mashtron. Mashtrimin që e bëri duke qenë ministër ishte se u zgjodh në mënyrë të paligjshme docent ndërsa gjatë periudhës së zgjedhjes së tij pozita e tij në UT ishte në pushim. Ai pra kishte një vend pune, ishte ministër dhe në të njëjtën kohë themeloi vend të ri pune pa u larguar nga pozita e ministrit. 

Këto shkelje ndodhin vetëm te ne dhe me këtë qeveri të BDI-së të korruptuar deri në fyt dhe me ndikim në gjyqësor, siç po ndodh edhe tani. Kur pikërisht Arbër Ademi del e përhap gënjeshtra në opinion dhe jep informacione skajshmërish të rrejshme ku përmendet Komuna e Çairit. 

Sa për sqarim Arbër Ademi thotë se Komuna e Çairit merr para nga Kazinot që gjenden në objektet e Stadiumit të Çairit, e me këtë duke e shtrembëruar të vërtetën dhe duke nxjerr fakte të rrejshme njollos gjithë banorët e Çairit, njollos Stadiumin e Çairit që e kemi si shpirtin tonë njollos njerëz pa fije turpi. 

E vërteta është se Stadiumi iu kthye Komunës së Çairit në vitin 2016 por na u kthye me objekte që paraprakisht ishin dhënë me koncesion për shfrytëzim deri në vitin 2054. Ripotencoj objektet janë të dhëna me koncesion nga viti 2005 dhe vlejnë deri në vitin 2054 dhe pikërisht këtë koncesion e ka dhënë drejtori i atëhershëm i BDI-së që udhëhiqte Ndërmarrjen për ekonomizim me objektet sportive. 

Hutinë e kanë bërë në kokën e vet dhe mos ta bëjnë te popullata ngaqë as Komuna e Çairit nuk merr para nga kazinot e as Rafet Muminoviqi nuk merret me kazino sepse i ka dhënë objektet me qira, me kazino merret kazinomeni Artan Grubi, me kazino merret dora e djathtë e tij Përparim Bajrami të cilët hapën e vazhdojnë të hapin kazino në secilin kënd, po madje na i futën zullumin në shtëpi duke i sjell kazinot edhe online, po na i rrezikojnë familjet, po na i rrezikojnë fëmijët po na i rrezikojnë shoqërinë.  

E ti falsifikator Arbër Ademi po të ishe deputetë i mirë dhe koordinator që barte si titull, mirë do të ishte që të gjendeshe sot në mejdanin elektoral po nuk je dhe a e din se përse, sepse je kategori e njëjtë me shokun dhe partnerin tënd Artan Grubin.

E për në fund dua të theksoj se falsifikatori Arbër Ademi që për fat të keq ligjëron lëndë të drejtësisë në fakultet, po bën shtypje në gjyqësor dhe tenton të përfitojë për familjarët e tij konkretisht djemtë e xhaxhait të tij dhe Fabrikën e ashtuquajtur Kozhara të Kumanovës ta bëjnë për vete duke qenë ajo ende në proces gjyqësor.

Arbër Ademi të përkujtoj se pas 8 majit për këtë rast të përzierjes tënde dhe të të gjithë shokëve të tu në gjyqësor dhe për shumë shkelje të tjera që keni bërë e po bëni, do të merrni dënimin e merituar nga vet populli.

___________________________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.