Shkup, 11 dhjetor 2024 (MIA) - Turkish Erlajns ka caktuar dhe ka lëshuar në shitje biletat  për fluturimet ndërmjet Stambollit dhe Ohrit për sezonin veror të vitit 2025, pasi paraprakisht kishte aplikuar për subvencione nga shteti, njoftoi portali "Eks ju aviacioni".

 Fluturimet do të fillojnë më 27 mars, katër herë në javë, të hënën, të enjten, të premten dhe të dielën.

 Linja ajrore që lidh Ohrin dhe Stambollin është një nga gjashtë destinacionet e reja të paralajmëruara pas thirrjes së fundit për subvencione nga Qeveria. Nga aeroporti i Ohrit do të ketë fluturim për në Milhaus, ndërsa nga aeroporti i Shkupit për në Barcelonë, Dubai, Lion dhe Shtutgart.

 Sipas kritereve, mbështetja financiare është në një vlerë prej 9 euro për pasagjer në ardhje për pasagjerët e transportuar në "Aeroportin Ndërkombëtar të Shkupit" dhe 12 euro për pasagjer në ardhje për pasagjerët e transportuar në aeroportin "Shën  Apostull Pavle" – Ohër.

 Foto: Arkivi i MIA-s