Shkup, 21 dhjetor 2024 (MIA) - Në hemisferën veriore të Tokës sot në ora 10:21 filloi dimri i cili do të zgjasë deri më 20 mars 2025.

Sot është dita e 356-të e vitit dhe deri në fund të vitit kanë mbetur edhe 10 ditë.

Dielli në Shkup ka lindur në orën 06:59, ndërsa do të perëndojë në orën 16:06. Kjo është dita më e shkurtër e vitit dhe do të zgjasë 9 orë e 6 minuta. Hëna, e cila është në fazën e hënës së plotë, nuk do të lindë, por do të perëndojë në orën 11 e 2 minuta.

Solstici dimëror është momenti kur Dielli është në pikën më të ulët në horizont dhe Poli i Jugut është më afër Diellit. Në polin verior është e kundërta, është më e largëta nga dielli, kështu që në hemisferën veriore nata është më e gjata dhe dita është më e shkurtra.

Nga sot netët gradualisht do të bëhen më të shkurtëra, ndërsa ditët më të gjata.

Solstici dimëror shënon fillimin e dimrit kalendarik në hemisferën veriore, ndërsa në hemisferën jugore në të njëjtën kohë fillon vera. ls/

Foto: Arkivi i MIA-s