Shkup, 8 tetor 2025 (MIA) - Kryetari i LSDM-së, Venko Filipçe, sonte deklaroi se zhvillimi i Krivogashtanit është rezultat i politikave socialdemokrate dhe punës së kryetarit aktual të komunës, Nikolçe Miskoski. Ai në tribunën qytetare atje tha se kur komuna drejtohet në mënyrë familjare, nga njerëz të ndershëm dhe të përkushtuar, jeta ndryshon për mirë.

"Krivogashtani është sot komuna rurale më e zhvilluar në Maqedoni. Dhe kjo nuk është rastësi, bëhet fjalë për vepra, rezultate dhe projekte serioze. Është rezultat i mënyrës se si kuadrot tona të LSDM-së e udhëheqin komunën në mënyrë sistematike, të ndershme, të përkushtuara ndaj popullit. Më shumë se 40 projekte të përfunduara, disa në zhvillim e sipër, që është vërtet një rezultat i lavdërueshëm dhe konfirmim se në Krivogashtan nuk kishte fjalë dhe premtime, por veprime! Dhe ky është ndryshimi midis LSDM-së dhe të gjithë të tjerëve, ne nuk premtojmë për duartrokitje, ne premtojmë për të ndryshuar jetën e njerëzve për mirë", tha Filipçe.

Filipçe tha se socialdemokratët u krijuan për qytetarët dhe për të mirën e të gjithë qytetarëve në çdo familje, dhe veçanërisht për të rinjtë të cilët në Krivogashtan janë aktivisht të përfshirë në krijimin e politikave në komunë.

"Vlerat socialdemokrate të solidaritetit, barazisë, kujdesit për çdo person ndihen në çdo familje, në çdo rrugë në Krivogashtan. Kjo është arsyeja pse sot mund të krenohemi me këtë komunë. Të rinjtë qëndrojnë këtu, kanë një qendër rinore, një këshill rinor përmes të cilit marrin pjesë aktive në krijimin e politikave lokale, qytetarët kanë qasje në shërbime sociale, përmbajtje kulturore, fusha sportive dhe më e rëndësishmja, kanë një infrastrukturë tërësisht të rinovuar", tha Filipçe.

Por pavarësisht kësaj, tha kryetari i LSDM-së, Venko Filipçe, vijom një periudhë me detyra shumë të rëndësishme, një vendim që duhet të sjellë vazhdimësi për komunën, me Igor Karavilovskin dhe listën e këshilltarëve të LSDM-së që vazhdojnë të zhvillohen dhe të përparojnë me projekte të reja për një jetë më të mirë për të gjithë dhe për Krivogashtanin, i cili ka perspektivë dhe të ardhme.

Filipçe, në tribunën qytetare në Krivogashtan, kritikoi ashpër qeverinë e VMRO-DPMNE-së dhe kryeministrin Mickoski për kolapsin në bujqësi dhe neglizhencën ndaj bujqëve.

 Filipçe theksoi se vetëm 30 për qind e subvencioneve të vitit të kaluar janë paguar, ndërsa bujqët që kanë punuar dhe investuar gjatë gjithë vitit ende presin paratë e tyre.

Lideri i LSDM-së në tribunën qytetare në Krivogashtan theksoi se LSDM-ja gjithmonë ka qëndruar në anën e qytetarëve, ndërsa qeveria aktuale e VMRO-DPMNE-së i lë ata vetëm me problemet dhe premtimet e tyre që nuk i përmbushin, duke theksuar se socialdemokratët nuk e kanë lënë askënd vetëm për t'u përballur me krizat më të vështira botërore dhe se qytetarët gjithmonë kanë qenë prioriteti i tyre.

 Ai kujtoi se LSDM-ja prezantoi një model të ri dhe të drejtë të subvencionimit, me të cilin bujqët morën më shumë dhe në kohën e duhur, ndryshe nga qeveria aktuale që i lë produktet e tyre të kalben.

Kryetari i LSDM-së tha se zhvillimi i Krivogashtanit mund të vazhdojë vetëm me Igor Karaviloskin dhe LSDM-në.

Kandidati për kryetar komune nga LSDM-ja, Karaviloski, nga tribuna në Krivogashtan kërkoi besimin e qytetarëve, duke premtuar se do të angazhohet për një komunë moderne, të rregullt dhe të begatë. Ai theksoi se energjinë, përvojën dhe njohuritë e tij do t'i vërë në shërbim të të gjithë qytetarëve.

Karaviloski theksoi se të rinjtë janë forca më e madhe dhe përparësia kryesore dhe paralajmëroi investime në një qendër rinore, një bibliotekë të re, kurse për gjuhë të huaja dhe aftësi digjitale, çmime për studentët më të mirë dhe përfshirje aktive të të rinjve përmes një këshilli rinor.

Në pjesën e infrastrukturës publike, paralajmëroi rregullimin e trotuareve, vendosjen e të ashtuquajturve "policë të shtrirë", sipërfaqeve të reja të gjelbra dhe pastrimin e deponive të paligjshme. ls/

Foto: LSDM