Shkup, 13 tetor 2025 (MIA) - Këto nuk janë zgjedhje të zakonshme. Tani është momenti të bashkohemi, të bashkojmë forcën e të gjithë atyre që janë të zhgënjyer, të të gjithë atyre që janë heshtur, të të gjithë atyre që ende besojnë se ky shtet mund të ndërtohet ndryshe, tha sonte kryetari i LSDM-së, Venko Filipçe, në tubimin qytetar "Luftojmë për shtëpinë tonë" në Çeshinovë Obleshevë. I porositi qytetarët se më 19 tetor do të merret një vendim i rëndësishëm për të ardhmen e çdo komune, të çdo lagjeje dhe të gjithë Maqedonisë.

 Filipçe theksoi se LSDM-ja po lufton për paga më të larta, për një shtet që punon për qytetarët e tij, dhe jo për elitat partiake në pushtet.

 "Po luftojmë për një pagë minimale prej 500 euro, për rend dhe drejtësi, për një shtet që punon për qytetarët e tij, jo për elitat partiake. Populli nuk jeton me numra statistikore - ai e di sa kushton buka dhe qumështi, sa e vështirë është të jetosh", tha Filipçe.

Kryetari i LSDM-së u përqendrua në situatën në bujqësi ku, siç tha, pushteti i VMRO-DPMNE-së shfuqizoi masat më të mira dhe zhvlerësoi punën e bujqve. 

 "Këtu në Çeshinovë-Obleshevë,  të vazhdojmë të ndërtojmë, të sjellim zgjidhje dhe të sigurojmë përparim për çdo person. Me Goranço Kërstevin, komuna do të zhvillohet, e keni parë. Ai e di që politika nuk është teatër, por shërbim. Ai e di që pozita e kryetarit të komunës nuk është pozicion për fuqi, por detyrim për rezultate", theksoi Filipçe.

Ai theksoi se Komuna e Çeshinovës dhe Obleshevës, me kandidatin për kryetar komune  të LSDM-së, Goranço Kërstev, dhe listën e këshilltarëve të LSDM-së dhe Koalicionit përsëri do  të jetë   një vend i dëshirueshëm për të jetuar.

  Nga programi i Kërstevit, i cili parashikon projekte reale, Filipçe veçoi ndërtimin e një sistemi të kanalizimit me një stacion pastrimi në Sokolarc, një sistem teknik të ujit në Çeshinovë, Obleshevë, Çiflik dhe Ularc, një kënd lojërash shumëfunksional në Spançevë, rindërtimin e rrugëve dhe ndërtimin e parqeve dhe zonave për këmbësorë.

 Foto: LSDM