Shkup, 25 maj 2025 (MIA) - Zëvendëskryetari i Qeverisë i ngarkuar për Qeverisje të Mirë Arben Fetai, i cili është pjesë e koalicionit "Vlen", në konferencën e sotme për shtyp tha se nuk ka marrë ftesë për takim të liderëve nga lideri i LSDM-së, Venko Filipçe, por nëse do të vinte një ftesë e tillë, do ta shqyrtojnë.

"Takimet në nivel të liderëve janë një traditë në vendin tonë. Ndodhën gjatë qeverisjes së Gruevskit, gjatë qeverisjes së Zaevit dhe gjatë qeverisjes së Kovaçevskit. Një takim tjetër u mbajt gjatë kësaj qeverisje. Unë personalisht ende nuk kam marrë ftesë. Nëse ka një ftesë të tillë, duhet ta shqyrtojmë. Por, unë e shoh këtë në nivelin e kornizës së normales për hartimin e politikave në vendin tonë. Partitë shqiptare takohen në nivel të liderëve që bashkëpunojnë me njëra-tjetrën. Të njëjtën e bëjnë edhe partitë maqedonase.  Do ta shohim",  tha Fetai.

 Lideri i LSDM-së, Venko Filipçe, dje paralajmëroi se të hënën do t’i japë një propozim konkret Këshillit Kombëtar Parlamentar për Integrime Evropiane se çfarë duhet të diskutojnë liderët e partive më të mëdha politike, sepse, sipas tij, mesazhet nga BE-ja janë të qarta.

 "Që të hënën do të jap një propozim konkret se çfarë duhet të diskutojnë liderët e partive më të mëdha politike, sepse mesazhet nga BE-ja janë të qarta. Derisa presim dhe nuk bëjmë asgjë, është humbje kohe. Të rinjtë e shohin këtë vetëm si një nxitje për të emigruar. Askush më nga gjeneratat e reja nuk do ta shohë të ardhmen këtu në Maqedoni nëse nuk e zhbllokojmë atë rrugë integrimi evropian, nëse nuk punojmë së bashku për përparim në shumë sfera që do ta bëjnë jetën më të mirë dhe me cilësi më të lartë", tha lideri i LSDM-së.

 Foto: MIA