Tokio, 28 mars 2024 (MIA) - Edhe dy raste të vdekjes lidhur me konsumimin e shtesave në ushqim të bëra nga maja e kuqe, kumtoi sot kompania "Kobajashi".

Ministria japoneze e Shëndetësisë dje njoftoi se vdekja e dy personave dhe më shumë se 100 të shtruarve në spital në Japoni janë të lidhura me konsumimin e shtesave të dietave në ushqim nga maja e kuqe oriz nga kompania farmaceutike "Kobajashi", transmeton Kjodo.

Një prodhues i barnave nga Osaka dje kumtoi se një person ka vdekur nga sëmundja e veshkëve pasi ka marrë shtesat "beni-koxhi" rreth tre vjet.

Rasti i dytë i vdekjes është raportuar në Ministrinë e Shëndetësisë, të Punës dhe Politikës Sociale pas hetimit të hapur në kompani.

Ministria dyshon se produktet përmbajnë një substancë toksike, por kompania për momentin nuk mund ta konfirmojë arsyen e vërtetë.

"Kobajashi" të premten e kaluar tha se ka marrë raporte për sëmundje lidhur me prodhimet e tij dhe se ka tërhequr nga tregu pesë prej tyre, duke përfshirë edhe rreth 300.000 paketime nga shtesat e tij "beni-koxhi". sa/