Athinë, 7 janar 2025 (MIA) - Së paku dy persona e humbën jetën në fatkeqësinë e re me emigrantë në pjesën detare të ishullit grek Rodos, përderisa janë shpëtuar 63 persona, lajmëroi korrespondentja e MIA-s nga Athina.

Nga shërbimi bregdetar i Greqisë informuan se aksioni i shpëtimit është në rrjedhë, po zhvillohet në kushte të mira të motit, ndërkaq marrin pjesë një anije patrulluese, një anije shpëtimtare, si dhe zhytës, për gjetjen e mundshme të të zhdukurve.

Deri më tani janë zbuluar 63 refugjatë dhe emigrantë dhe janë tërhequr trupat e pajetë të dy personave, ndërsa shkaqet e fatkeqësisë nuk dihen. ab/