Shkup, 1 mars 2024 (MIA) - Dukshmëri të ulur prej 50 deri 100 metra për shkak të mjegullës ka në aksin rrugor Kodra e Diellit - Lisec, njoftoi sot pasdite NP Rrugët e Maqedonisë.

Komunikacioni në rrugët shtetërore zhvillohet pandërprerë, në rrugë të lagështa. Të gjitha akset rrugore në shtet janë të kalueshme. 

Nga NP Rrugët e Maqedonisë informojnë se në akse të caktuara rrugore të cilat kalojnë përgjatë grykave ka mundësi për rrëshqitje të dheut. 

Njëherësh u bëjnë thirrje shoferëve për vozitje me kujdes të automjeteve, respektimin e sinjalizimit të vendosur, si dhe përshtatje të shpejtësisë në bazë të kushteve në rrugë. fc/

Fotografia: Arkivi i MIA-s