Shkup, 30 prill  2023 (MIA) - U.d. drejtor i Ndërmarrjes Publike "Parqe dhe gjelbërime" - Shkup, Zuhejr Rexhepi në një publikim në faqen e ndërmarrjes në Fejsbuk njoftoi se për shkaqe shëndetësore jep dorëheqje nga funksioni.

"Për sfida shëndetësore sot dhashë dorëheqje nga funksioni drejtor i NP "Parqe dhe Gjelbërime". E falënderoj kryetaren e Qytetit të Shkupit Arsovska për beismin dhe mundësinë e dhënë, por shëndeti është më i rëndësishëm se çdo funksion", shkruan Rexhepi në publikim.

Rexhepi, i cili është pjesë e "Grupit të zjarrit" në BDI, u emërua në funksion në shtator të vitit të kaluar, pasi kuadrot e VMRO-DPMNE-së në pozitat e drejtorëve në ndërmarrjet publike në Shkup dhanë dorëheqje pas shkëputjes së bashkëpunimit me kryetaren e Shkupit, Danella Arsovska.

Foto: Fejsbuk