Shkup, 3 gusht 2023 (MIA) - Fatkeqësisht, një pjesë e mirë e grurit vendas këtë vit do të përfundojë si foragjere në Greqi, e një pjesë do të "shkojë" në fermat tona, për ushqim për shpendët. Rreth 20,000 tonë drithë buke, megjithatë, sipas bisedave me fermerët në terren, mund të përfundojnë të pashitura, të deponuara, thotë Trajan Dimkovski, këshilltar shtetëror në Ministrinë e Bujqësisë, Pylltarisë dhe Ekonomisë së Ujërave (MBPEU).

Dimovski në brifingun e sotëm me gazetarët që e organizon ministri i Bujqësisë, Lupço Nikollovski tha se fermerët duhet të fokusohen në sasi dhe cilësi. Vendi do të importojë gjithmonë, por nëse kemi një rendiment prej katër tonësh, kjo do të jetë mjaft e mjaftueshme dhe nuk do të ketë nevojë për blerje nga jashtë. 

"Grurë tek ne është importuar dhe do të importohet. Ne importojmë deri në 80.000 ton grurë dhe 40.000 ton miell, kryesisht nga Serbia. Por ne shpenzojmë më shumë para për importin e çokollatave sesa për grurin, ose shpenzojmë të njëjtën sasi parash për importimin e kafesë si për importimin e grurit. Ne ndoshta dëshirojmë që të jetë diçka tërheqëse dhe të shitet si informacion", theksoi Dimkovski.

Sipas tij, pas masave për fermerët, nga tre denarë për çdo kilogram të blerë grurë dhe mbulimit 100 për qind të shpenzimeve të magazinimit, mullinjtë tani janë në lëvizje.

"Me këto masa presioni duhet të jetë mbi mullixhinjtë se buka ka mbetur e njëjtë, ndërsa ata furnizohen me grurë të lirë. Kur flasim, edhe e themi këtë, nuk mundet ju me 10 - 11 denarë të bleni grurë, ndërsa buka të kushtojë 33 - 35 denarë", thekson Dimkovski.

Ai përmendi edhe një herë se fokusi duhet të jetë në masat që do të rrisin sasinë, rendimentin dhe cilësinë. ls/

Foto: MIA dhe Arkivi i MIA-s