Shkup, 29 maj 2025 (MIA) - Me ndryshimet e Ligjit për tarifa doganore duhet të ulen 67 norma doganore për disa mallra të cilat si repromateriale ose lëndë të para përdoren në industrinë vendore, kumtoi ministrja e Financave Gordana Dimitrieska Koçoska.

"Propozim-ligji parashikon të bëhet ulja e normave tatimore deri në 50 për qind nga niveli i normave tatimore të cilat vlejnë në BE, me të cilat do të kontribuohet edhe për harmonizim më të madh me tarifën doganore të BE-së dhe në pjesën e normave doganore, ndërsa megjithatë duke i marrë parasysh edhe rregullat e Organizatës Tregtare Botërore ku ne jemi anëtare dhe duhet ta respektojmë edhe atë", tha ministrja në seancën për pyetjet e deputetëve duke u përgjigjur në pyetjen e deputetit Dejan Prodanovski nga VMRO-DPMNE.

Ajo theksoi se ndryshimet do të ofrojnë kushte më të favorshme për kompanitë e orientuara drejt eksportit dhe gradualisht po harmonizohen me tarifat doganore të aplikuara në Bashkimin Evropian. Ndryshimet janë bërë dhe harmonizuar në konsultim me Odën Ekonomike. Sektori i biznesit po plotësohet sepse synohet rritja e konkurrencës së kompanive vendase që eksportojnë në tregjet e huaja, rritja e eksporteve dhe fluksit valutor.

Me propozim-ligjin, mes tjerash, do të bëhet ulja e normës doganore dhe për bateritë litium-jon për deponimin e energjisë elektrike që, tha, është veçanërisht e rëndësishme dhe e kërkuar nga odat.

"Importi i bërë nga kompani të caktuara i nënshtrohet tarifave doganore prej 15 për qind dhe ne si vend, veçanërisht në kushtet kur kemi rritur prodhimin e energjisë elektrike nga termocentralet fotovoltaike, jemi në interesin tonë që të kemi sa më shumë kapacitete ose të investojmë në bateri që do të ruajnë energjinë. Ky ka qenë një nga reagimet e të tri odave dhe këtu jemi harmonizuar sërish dhe kemi thënë se nuk do të ketë më 15 për qind pagesë të importit për bateritë e litium-jonit që përdoren për bateritë energjetike, por do të shkojmë me një normë prej 2.7 për qind", theksoi ministrja.

Ajo kumtoi edhe se në kuadër të këtij ligji plotësisht janë propozuar ndryshimet për heqjen e normave doganore për mallrat me origjinë nga SHBA.

"Liberalizimi i plotë i importeve të mallrave me origjinë nga Shtetet e Bashkuara të Amerikës do të çojë në rritjen e konkurrencës në tregun e brendshëm, ndërsa në tregtinë ndërkombëtare ulja e njëanshme e tarifave doganore dërgon një mesazh ekonomik për përshpejtimin e procesit të reciprocitetit në shkëmbimin tregtar ndërkombëtar. Edhe pse tregtia direkte me SHBA-në nuk është e madhe, SHBA është ende një partner strategjik i vendit tonë dhe bashkëpunimi me të është domethënës nga çdo aspekt, prandaj Maqedonia është e gatshme të zgjerojë dhe thellojë partneritetin e ngushtë mes dy vendeve", tha Dimitriska-Koçoska.

Lidhur me reagimet se do të kemi import të lirë pa detyrime importi, ajo tha se në ekonomi "duhet të kemi gjithmonë parasysh se kush është partneri në anën tjetër".

"Unë besoj absolutisht se vetëm mund të kontribuojë më shumë dhe të sigurojë konkurrencë më të madhe për sa i përket importeve që bëjmë nga vendet e tjera", shtoi ministrja e Financave. sa/

Foto: printskrin