Shkup, 26 korrik 2024 (MIA) - Deri në fund të vitit banorët e Komunës së Ilindenit deri do të kenë një Shtëpi Shëndeti e cila do të ofrojë shërbime shëndetësore për rreth 30.000 banorë të kësaj dhe komunës fqinje të Petrovecit. Ministri i Shëndetësisë Arben Taravari dhe zëvendësministri Jovica Andovski së bashku me kryetarin e komunës Aleksandar Georgievski sot kanë kyer mbikëqyrje në aktivitetet ndërtimore për ndërtimin e objektit të ri të Shtëpisë së Shëndetit në komunën e Ilindenit.

Ministri Taravari theksoi se klinika e re është projekt i përbashkët i Komunës së Ilindenit dhe Ministrisë së Shëndetësisë ku po punohet intensivisht dhe duhet të përfundojë para Vitit të Ri dhe do t'u mundësojë të gjithë qytetarëve që jetojnë në këtë komunë dhe në komunën fqinje të Petrovecit, rreth 30 mijë qytetarë, do të marrin shërbime shëndetësore.

"Në fillim do të fillonim me mjekësinë e përgjithshme - mjekë të përgjithshëm dhe ndërkohë do të shohim tani e tutje nëse mund të gjejmë një koncesioner mundësisht një pediatër, një internist të përgjithshëm, një gjinekolog specialist i cili do t'u shërbente të gjithë qytetarëve në këto dy komuna. Shpresoj që para Vitit të Ri të jemi të gjithë së bashku dhe ta shohim objektin të pajisur dhe me personel mjekësor brenda", tha Taravari.

Kryetari i komunës Georgievski përmendi se para këtij vendi ka qenë një autoambulancë e vjetër e ndërtuar para më shumë se gjysmë shekulli dhe ka qenë në gjendje shumë të keqe.

"Dhjetë vjet më parë një nga kërkesat themelore të qytetarëve në Komunën e Ilindenit ka qenë ndërtimi i një shtëpie të re shëndetësore. Ishte premtuar shumë më parë por nuk u realizua. Për këtë qëllim, me iniciativën time personale si kryetar komune u zhvillua një projekt krejtësisht i ri dhe së bashku me ministrin e mëparshëm të Shëndetësisë Mexhiti, nënshkruam një marrëveshje që kjo ambulancë duhej të fillonte sa më parë të jetë e mundur. Në dhjetor e kemi nënshkruar marrëveshjen, tashmë në prill kemi filluar me aktivitetet përgatitore dhe në maj me aktivitetet e ndërtimit. Siç mund ta shihni, investimi realizohet shumë shpejt. Presim që deri në fund të vitit të përfundojë", tha ai. rq/

Foto: MIA