Shkup, 15 mars 2024 (MIA) - Vaksinat DiTePer për të rritur kanë mbërritur në vend dhe të interesuarit nga sot mund të rivaksinohen në pikat e vaksinimit, informoi sot ministri i Shëndetësisë, Ilir Demiri, duke iu përgjigjur pyetjeve të gazetarëve në një ngjarje në Shkup, me rastin e shënimit të 17 Marsit, Ditës së dhurimit të gjakut dhe Ditës së themelimit të Kryqit të Kuq.

“Vaksinat kanë mbërritur dhe do të mund të aplikohen menjëherë te personat që kanë nevojë për këtë lloj rivaksinimi”, tha ministri i Shëndetësisë, Demiri.

Ai theksoi se sot do ta nënshkruajë vendimin e Komisionit për sëmundje infektive për vaksinimin e fëmijëve dhe theksoi se edhe pa nënshkrimin e tij është i vlefshëm.

"Tani do ta nënshkruajë pasi të kthehem, pas ngjarjes, vendimi i Komisionit është i vlefshëm edhe pa nënshkrimin tim, sepse Komisioni është i përbërë nga ekspertë që marrin vendime të drejta në interes të qytetarëve dhe në interes të shpëtimit të jetëve", tha ministri. mb/

Foto: MIA