Shkup, 15 nëntor 2023 (MIA) - Ministria e Kulturës i demanton kategorikisht informacionet e përcjella në një pjesë të mediave se ministrja e Kulturës Bisera Kostadinovska-Stojçevska ka mbyllur Bibliotekën “Koço Racin” në Tetovë për ta dhënë hapësirën me qira.

"Informacionet e tilla të pasaktë janë manipulim me publikun dhe shtrembërim të së vërtetës. Ministria e Kulturës dhe vetë ministrja disa herë kanë informuar se është në proces përshtatja e hapësirave të reja të IK Bibliotekës -Tetovë, të cilat janë në të njëjtin objekt në të cilin ishte vendosur institucioni deri më tani, që është Qendra e Kulturës në Tetovë", thuhet në demantin e Ministrisë së Kulturës.

Në koordinim me të punësiuarit të bibliotekës së Tetovës, thuhet në njoftim, dhe pas matjeve të ndryshme të hapësirës, ​​është vendosur që Biblioteka të zhvendoset në ambiente të reja në të njëjtin objekt, me çka ka marrë 100 metra katrorë më shumë hapësirë ​​se ajo që ka përdorur deri më tani, hapësirë ​​që tani është përshtatur dhe për këtë arsye institucioni është i mbyllur për publikun për një periudhë të shkurtër.

"Hapësira është duke u rinovuar dhe modernizuar, në mënyrë që fondi i librave do të vendoset sipas standardeve të duhura. Ambientet e reja do t'i plotësojnë plotësisht nevojat e të punësuarve të institucionit dhe të lexuesve. Ministria e Kulturës rithekson se kjo është një zgjidhje e përkohshme për Bibliotekën në Tetovë, për të cilën po ndërtohet një objekt krejtësisht i ri dhe modern dhe se të gjitha vendimet që ajo merr kanë për qëllim përmirësim të kushteve të punës së institucioneve", thuhet në njoftim. qa/