Shkup, 18 qershor 2025 (MIA) - Protokolli i Badvigut (Dr. Johanna Badvig është bio-kimiste gjermane dhe shpikëse e kromatografisë së letrës për lipidet e gjakut, e cila i ka kushtuar jetën e saj hulumtimit të metabolizmit të yndyrave dhe shkaqeve për shfaqjen e tumoreve) parashikon marrjen e ushqimeve që përmbajnë acide yndyrore omega-3. Sipas planit të saj të dietës, mungesa e acidit linoleik shkakton formimin e oksidantëve, të cilët nxisin kancerin dhe janë shkaku i të gjitha çrregullimeve shëndetësore kronike.

Këto janë disa nga përvojat e zbatimit të dietës së saj.

Kur u larguan nga spitali në qershor, Marilin B. i është thënë se burri i saj, Xhejms, duhet të vendoset në një bujtinë, ku ata mund t 'i siguronin atij sa më shumë rehati në javët e fundit të mesotheliomas malinje pleurale. Për fat të mirë, ajo nuk i ka dëgjuar.

Çifti zbatoi protokollin Budvig, një ndryshim rrënjësor në dietë që sillet rreth një përzierjeje të veçantë të vajit dhe proteinave - vajit të lirit të kulluar dhe gjizë /djathi i ri. Ai i siguron acidet esenciale omega-3 që bëhen shkëndija për qelizat që të detoksifikohen, të rimbushen me oksigjen dhe të funksionojnë në mënyrë optimale.

"Xhejms, 74 vjeç, u kthye në shtëpi në karrocë invalidore, me shishe oksigjeni për ta ndihmuar të marrë frymë, një kateter PleurX për të kulluar rregullisht lëngun nga mushkëritë e tij dhe veshkat që mezi funksiononin. Gjatë disa muajve të ardhshëmkarroca invalidore u zhduk plotësisht. Kateteri ishte zhdukur, pasi mushkëritë po funksiononin me kapacitet 95 për qind pa asnjë gjurmë lëngu. Shumica e mjekëve me të vërtetë nuk dinë sa duhet për ushqimin, shtesat dhe procesin natyror. Shumica e njerëzve që njoh përdorin ende medikamente konvencionale. Duhet të kuptojmë se edhe gjëra të tjera mund të funksionojnë. Xhejms u diagnostikua me mesothelioma pleurale në korrik të vitit 2011, por ishte shumë i avancuar për t'iu nënshtruar operacionit si opsion. Kombinimi i zakonshëm i cisplatinës dhe kimioterapisë Alimta bëri pak, por e la atë me efekte anësore zhgënjyese ndërsa sëmundja përparonte. Në fillim të vitit 2012, ai kaloi në ilaçin kimioterapeutik ’Gemcitabin’, i cili përfshinte humbje dramatike të peshës dhe transfuzione të shumta të gjakut, pasi numri i qelizave të bardha të gjakut dhe trombociteve të tij ranë në nivele të rrezikshme. Frymëmarrja e tij u përkeqësua dhe mushkëritë e tij u mbushën me lëng. Ata më thanë se nuk mund të bënin pothuajse asgjë më shumë. Ata nuk mendonin se ai kishte shumë për të jetuar. Pra, nuk kishim asgjë për të humbur duke provuar këtë dietë. Kjo dietë kishte kuptim. Dhe, ia dolëm”, thotë Marilin B. nga Otava, Kanada.

Jadranko Tudoviq, 53 vjeç, bashkëpronar i Shkollës së Parë Informatike në Zagreb, u diagnostikua në vitin 2008 me limfomë folikulare indolente të barkut (një tumor, qelizat e të cilit vijnë nga limfocitet, qelizat e sistemit imunitar). Mjekëve iu deshën gjashtë muaj për të bërë një diagnozë, dhe kur më në fund e mori, së pari kërkoi ndihmë në një klinikë private, dhe më pas në spitalet publike, ku iu nënshtrua kimioterapisë.

Meqenëse kimioterapia është fizikisht rraskapitëse, ai filloi të kërkonte metoda alternative të trajtimit, dhe në atë kërkim, ai hasi në një libër nga Dr. Johana Badvig dhe filloi të zbatonte

metodën Budvig. Tudoviq shpehet se pesë vjet pas diagnozës së limfomës, ai ndihet i shëndetshëm dhe vital.

"Bëra operacione, një seri dietash, ilaçesh, suplementesh, kimioterapish... Për shkak të efekteve anësore të kimioterapisë, isha në shtëpi me ethe të përditshme dhe disa dhimbje fantazmë (sikur të isha djegur), humba peshë dhe shpirti im u shterua plotësisht. E pastaj, pas dozës së gjashtë të kimioterapisë, në fund të shkurtit 2009, gruaja pa librin e Lotar Hirneize "Kimioterapia shëron kancerin dhe toka është e sheshtë" në dritaren e librarisë, dhe pas saj lexova librin e Dr. Brus Lipton "Biologjia e besimit", i cili përfshinte metodën e të ushqyerit të Budvig", shprehet Tudoviq.

"E kuptova mesazhin e Johana Budvig, e cila pretendon se nuk ka sëmundje të pashërueshme dhe thotë se kanceri është indi ynë që nuk duhet të shkatërrohet, por të trajtohet. Menjëherë vendosa të filloja dietën Budvig. Pesë vjet më parë, nuk dija as ku të blija farë liri, e lëre më vaj të mirë të farave të lirit, dhe cili djathë ishte më i miri. Por motivimi ishte shumë më i fortë se të gjitha këto probleme sepse prognoza nuk ishte e mirë. Ndërkohë, mjeku im më këshilloi të haja gjithçka si më parë?! Kur fillova protokollin e Budvigut, pas vetëm dy muajsh u shërova aq shumë sa njerëzit më shikonin me mosbesim", shton ai.

Ka tre rregulla pa të cilat nuk ka shërim. Nuk ka metodë të pjesshme Budvig. Gjëja më e rëndësishme është të fillosh, t'i përmbahesh Protokollit dhe t' i përmbahesh minimalisht për disa muaj. Pra, e para është ushqimi cilësor. Kjo përfshin ngrënien e ushqimit që ushqen qelizat tona dhe qëllimi i tij nuk është të kënaqë mishrat e dhëmbëve.

Rregulli i dytë është të kujdeseni për detoksifikimin. Ky seksion është më i vështirë pasi ka metoda të ndryshme që mund të implementohen.

Dhe rregulli i tretë, siç shprehet ai, është metafizika, me të cilën ai nënkupton variante të ndryshme të lutjes, meditimit, soditjes.

“Gjatë sëmundjes sime, kuptova se mendja dhe shpirti janë faktorët më të fortë në menaxhimin e jetës sonë. Megjithatë, ne, njerëzit e kulturës perëndimore, jemi të orientuar materialisht pothuajse në thelb. Kjo, ndërsa lë pak hapësirë për shpëtim, është e mjaftueshme kur je i motivuar. Kështu ndodhi edhe me mua, mësova të meditoj dhe të marr frymë siç duhet, dhe interpretimi im i suksesit të kimioterapisë është: kimioterapia është po aq e suksesshme sa lufta atomike çlirimtare. Ai vret qelizat e shëndetshme dhe të sëmura dhe lë një shkretëtirë pas së cilës rimëkëmbja bëhet profesion. Tani shëndeti im është mjaft i mirë, nuk shkoj fare tek mjekët sepse kam humbur besimin tek ata dhe metodat e tyre. Për tre vitet e fundit nuk kam përdorur metodën Budvig, por krijoj ushqimet e mia. Përdor parime të rëndësishme si konsumimi i ushqimeve acido-alkaline, mos ngrënia e sheqerit dhe mishit dhe përpiqem të ha sa më shumë ushqim të papërpunuar", shprehet Tudoviq.

Damir Zhiniq u lind në vitin 1958 në Zagreb, ku ende jeton dhe punon si specialist i IT-së dhe është autor i librit "Udhëtimi im - udhëtim përmes trajtimit të kancerit", në të cilin ai ndan dëshminë e tij mbi trajtimin e kancerit të zorrës së trashë që ka metastazuar në mëlçinë e tij.

Zhiniqi përshkruan betejën e tij pesëvjeçare me kancerin, të cilën së pari e udhëhoqi me ndihmën e mjekësisë konvencionale, dhe kur nuk dha më rezultate, ai iu kthye alternativës.

"Në prill 2009, vura re një gjakderdhje të vogël nga zorra e trashë. Në fillim nuk dyshova asgjë, por ndërsa gjakderdhja vazhdonte dhe intensifikohej, shkova te mjeku im dhe filluam teste që nuk zbuluan asgjë. Lashë një takim me një gastroenterolog dhe prita pafundësisht për një takim. Para Krishtlindjeve, gjakderdhja ishte tashmë e rëndë dhe me të gjitha gjetjet shkova në departamentin e urgjencës në spital. Atje, pasi m'u desh t'i bindja për një kohë të gjatë se diçka nuk shkonte me mua, më në fund bëra një kolonoskopi dhe gjeta një tumor në zorrën e trashë. Tumor malinj. Pas goditjes fillestare, doja të bëja operacion sa më shpejt të ishte e mundur dhe të hiqja tumorin. Së shpejti pasoi operacioni", shprehet Zhiniqi.

"Unë iu dorëzova mjekësisë konvencionale. Në katër vitet e ardhshme, bëra dy operacione dhe tridhjetë kimioterapi. Në fund, mjekët nuk kishin asgjë më shumë për të më dhënë, ata shpenzuan të gjitha linjat mbrojtëse dhe provuan të gjitha llojet e kimioterapisë që u morën në pyetje, dhe metastazat ishin në lëvizje të plotë në pjesën e mëlçisë sime – ajo që kishte mbetur pas operacionit. Pastaj, ua ktheva shpinën të gjitha autoriteteve mjekësore dhe u bëra rrobaqepësi i fatit tim. Ndryshova gjithçka. Kafjalli i Budvigur përbëhet vetëm nga përbërës natyralë dhe nuk gjeta ndonjë të metë në të. Besoj se përbërësit e përgatitur në këtë mënyrë kanë luajtur rol të rëndësishëm në kurimin. Vaji i kërpit (për të cilin flitet shumë këto ditë) është gjithashtu një nga përbërësit, por unë nuk e konsideroj atë një ilaç të vetëm ose të mrekullueshëm. Besoj se të dëgjosh trupin tënd dhe sinjalet që na dërgon është e rëndësishme. Askush nuk mund të na japë një sugjerim më të mirë sesa trupi ynë. Ne e kemi neglizhuar mjaft këtë aftësi në mënyrën tonë moderne të jetës, por kur dikush qetësohet dhe i kthehet vetes, ai fillon të vërejë përsëri sinjalet e trupit", pohon Zhiniqi.

"Më 21 mars të vitit 1978, unë u operova nga Profesor Kristian, dhe kisha një kancer të madh në stomak që u përhap në zorrën e trashë dhe ishte në kufirin e sipërm të operabilitetit. Meqenëse refuzova trajtimin e mëtejshëm me citostatikë, pas diskutimit të gjerë me Dr. Johana Badvig, vendosa t'i nënshtrohem trajtimit të saj me një dietë me vaj dhe proteina dhe përdorimin e vajit ELDI. Kjo rezultoi në një përmirësim gradual, por të qëndrueshëm në shëndetin tim të përgjithshëm, veçanërisht për sa i përket statusit imunitar të trupit në luftën kundër infeksioneve virale. Inspektimet e mëtejshme në korrik 1983 në Klinikën Universitare të Ulmit të Departamentit të Mjekësisë së Brendshme nga Dr. Fajfter treguan se nuk kishte fare dëshmi të karcinomozës, kështu që tani, pas pesë vjetësh, mund të thuhet se kanceri është shëruar plotësisht. Si mjek dhe shkencëtar, jam i bindur se kalimi në dietën e vajit dhe proteinave të Dr. Budvig me trajtimin e duhur me vajra ELDI luajti rol kryesor", shprehet Dr. Zigfrid Ernst nga Gjermania.

“Në vjeshtën e vitit 1982, gjatë ekzaminimi të nyjeve limfatike të gruas sime Mari Kirhner dhe u zbuluan metastaza. Testet e mëtejshme zbuluan metastaza shtesë në kanalet e qumështit të gjirit, si dhe në vezorët. Mjekët më thanë se sëmundja e gruas sime ishte e pashërueshme. Jam informuar se citostatika mund të ngadalësojë procesin, por me efekte anësore shtesë të rëndësishme. Unë dhe gruaja ime e refuzuam këtë trajtim. Në kërkimin tonë për trajtime alternative të kancerit, zbuluam terapinë e Dr. Budvig. Një grua nga Sarluis që kishte sarkomë u trajtua në këtë mënyrë dhe pas dhjetë vjetësh ishte plotësisht e shëndetshme", shprehet Fric Kirhner.

“Që nga janari i vitit 1983, bashkëshortja ime është trajtuar me sukses nga Dr. Budvig. Në përputhje me vendimin e gjykatës që pacientët me kancer kanë të drejtë të kërkojnë trajtim alternativ dhe që kompanitë e sigurimeve duhet të përballojnë shpenzimet, po ju bashkëngjis një listë të shpenzimeve që kemi bërë deri më tani. Do të doja të kërkoja kompensim prej … në afat prej gjashtë javësh. Shpresoj se do të mund të shmangim padinë, veçanërisht sepse gruaja ime, e cila ishte shumë e sëmurë, tani është shumë më mirë me terapinë e Dr. Budvig", shton Fric Kirhner.

“Unë kam kancer të ezofagut, një nga format më vdekjeprurëse të kancerit. Shoqata Amerikane e Kancerit raporton se në vitin 2006, 14.550 amerikanë u diagnostikuan me këtë formë kanceri dhe 13.770 vdiqën si rezultat i kancerit të ezofagut. Kjo nuk është statistikë shumë inkurajuese. Unë u diagnostikova për herë të parë me kancer në fund të vitit 2002 dhe më pas m'u hoq i gjithë ezofagu në fillim të vitit 2003. Testet e mëvonshme treguan se kanceri u kthye në maj të vitit 2006. Më kanë thënë se nuk ka rëndësi se çfarë bëj, sepse ndoshta kam dy apo edhe tre vjet për të jetuar", dëshmoi Kimball Luis nga Oregoni, SHBA, në mars të vitit 2007.

“Mendova se mbaroi gjithçka dhe do të vdisja së shpejti. Më ofruan më shumë kimioterapi me vërejtjen se nuk ka shpresë për shërim. Isha një baba i dëshpëruar, 40-vjeçar i vetëm i një vajze 13-vjeçare, por i vendosur për t'ua dëshmuar mjekëve që hoqën dorë nga unë, fillova të hulumtoj trajtime alternative të kancerit. Kështu që takova dietën e Dr. Budvig dhe isha gati të pranoja parimet shkencore që i përfaqësonte. I ndoqa udhëzimet fjalë për fjalë, por për shkak se isha dy ose tre hapa larg vdekjes, nuk e dija nëse dieta do të më ndihmonte fare. Më 27 shkurt të vitit 2007, pata recension në Salem për të parë se si po shkonin gjërat. Pas skanimit, shkova tek onkologu më 2 mars të vitit 2007, i cili më ka ndjekur që nga fillimi i sëmundjes sime. Kur u kthye në zyrën e tij, ai hodhi letrat e mia në tryezë para meje dhe tha me një buzëqeshje në fytyrë, 'Fotografitë tregojnë se nuk ke më tumore’. Unë thjesht thashë, 'Duhet të jesh duke u tallur me mua.’ Ai u përgjigj se nuk mund të shpjegonte se çfarë kishte ndodhur. Më në fund, ai tha se çfarëdo që të bëj, duhet të vazhdoj ta bëj", thekson Luisi.

Ai është plotësisht i bindur se ndjekja e dietës së Dr. Budvig dhe udhëzimeve të tjera, si dhe lutjet e përditshme së bashku me një qëndrim pozitiv, bënë të mundur trajtimin.

"Pse onkologu nuk donte të dinte gjithçka për metodën e trajtimit ‘alternativ’ që kalova për të kuruar kancerin tim? Kujt i intereson? Mjekët mund të vazhdojnë të tundin kokën, por unë e di se kush është përgjegjës për shërimin tim. Për ata që janë ende skeptikë për këtë dietë, unë jam dëshmi e gjallë se funksionon edhe në rastet më të rënda”, shton Luisi.

Branka Najdovska