Shkup, 21 gusht 2025 (MIA) - Qëllimi i vaksinave të mNRA-së kundër Kovid-19 është krijimi i të ashtuquajturës proteinë spajk, e cila, nga ana tjetër, prodhohet kudo në trup, për shembull në zemër, dhe sistemi ynë imunitar sulmon atë proteinë të huaj dhe kështu dëmton trupin, domethënë organin konkret siç është zemra. Prandaj, gjasat për të marrë miokardit janë shumë reale. Kjo është mënyra se si profesori amerikan i biologjisë evolucionare Bert Vajnshtajn shpjegon shkurtimisht veprimin e vaksinave mARN kundër Kovid-19 dhe dëmtimin e tyre ndaj shëndetit të njeriut në emisionin e gazetarit britanik Pirs Morgan në kanalin e tij "Piers Morgan Uncensored". Ja segmenti kryesor i asaj bisede:

Pirs Morgan:

Për ta thënë troç, problemi me vaksinat e mNRA-së është se, në përpjekje për të siguruar imunitet kundër Kovid-19, në të vërtetë dëmton dhe zvogëlon imunitetin e përgjithshëm te shumë njerëz.

Bret Vajnshtajn:

Nuk do të thoja se është aq keq, por është shumë më keq se ajo që po thoni. Kjo është e vërteta. Problemi me vaksinat mNRA Kovid është se qëllimi i tyre është të inkurajojnë qelizat tuaja për të krijuar proteinë të huaj (proteinë spajk) që shfaqet në sipërfaqen e atyre qelizave. Por problemi është se kjo proteinë spajk, pas marrjes së vaksinës, trupi do të fillojë ta bëjë atë kudo, sepse nuk ka asnjë mekanizëm që do ta bëjë atë të ndodhë vetëm në inde të caktuara. Prandaj, prodhimi i proteinës spajk mund të ndodhë në të gjithë trupin, duke përfshirë edhe në vende si zemra juaj.

Dhe kur ajo të krijohet, aktivizon sistemin tuaj personal imunitar për të parë atë proteinë të huaj dhe bllokon të vetmen gjë që mund të bllokojë, që është se ato qeliza janë të infektuara viralisht. Dhe përgjigja e duhur, përgjigja natyrale e trupit është të shkojë pas qelizave të infektuara viralisht dhe t'i shkatërrojë ato.

Pra, ideja që ne marrim miokardit nga vaksinat Kovid në të vërtetë paraqet realitet shumë më akut, i cili është se inflamacioni, miokarditi, është një simptomë e dëmtimit të zemrës të shkaktuar nga sistemi ynë imunitar në përgjigje të qelizave në zemër që prodhojnë proteinë të huaj dhe nxisin sistemin tonë imunitar për t'i sulmuar ato.

Pirs Morgan:

Njoftova një nga njerëzit pas vaksinës AstraZeneka, një nga njerëzit nga Oksfordi, dhe ai më tha se me të vërtetë i shpëtuam një skenari të rrezikshëm. Dhe ai më tha se nëse Kovid do të kishte shkallë vdekshmërie, veçanërisht në mesin e të rinjve, një normë e ngjashme me atë të murtajës së zezë, atëherë do të ishte vërtet serioze. Dhe se ndoshta mësimet që morëm nga pandemia Kovid do të jenë jashtëzakonisht të dobishme për t'u marrë me gjënë tjetër që vjen. Dhe parashikimi i tij ishte se kishte shumë të ngjarë që do të duhej të merreshim me një pandemi të një lloji tjetër dhe se mund të ishte shumë më serioze, por mësimet që morëm me këtë në të vërtetë mund të ishin shumë të dobishme. A do të pajtoheshit me këtë?

Bret Vajnshtajn:

Jo. Unë mendoj se shanset që do të merremi me një pandemi tjetër janë në të vërtetë, për fat të keq, të lidhura ngushtë me hulumtimin tonë mbi armët biologjike, i cili kryhet fshehurazi në Shtetet e Bashkuara, si një hulumtim i dyfishtë (hulumtim për të marrë ndonjë përfitim, por që lehtë mund të çojë në rrezikimin e shëndetit të njeriut, sh y.). Nëse i ndalojmë këto studime, shanset e një pandemie serioze që kërkon ndërhyrje të shpejtë me vaksinat e mNRA-së janë në të vërtetë shumë të ulëta, dhe historitë që përdorim për të justifikuar vaksinimin masiv me vaksinat e mNRA-së nuk mund të qëndrojnë në një test serioz.

Për shembull, pandemia e gripit të vitit 1918 nuk do të ndodhë përsëri sot për dy arsye të ndryshme. Së pari, shumë nga njerëzit që vdiqën ishin në të vërtetë viktima të pneumonisë bakteriale që tani mund t'i trajtojmë me antibiotikë. Dhe së dyti, aspirina në atë kohë ishte një ilaç i ri mrekullie. Dhe dozat që u jepen njerëzve që janë prekur nga gripi janë doza që tani konsiderohen fatale.

Pra, nëse përsërisim mësimin historik dhe pyesim veten se sa shpesh sëmundjet që do të "ikin" nga natyra, të cilat do të lindin prej saj, kërkojnë ndërhyrje radikale, përgjigjja është se ka kaluar një kohë e gjatë që kur ndodhi, dhe gjasat që ajo të ndodhë përsëri në epokën kur po qarkullojmë globalisht dhe për këtë arsye kemi një imunitet natyror nga sëmundjet që priremi të hasim në një nivel ose në një tjetër – shanset për të përmbushur diçka që kërkon që ne të ndalojmë botën përsëri dhe të vendosim një vaksinë nëpër botë me shpejtësi rrufeje janë të ulëta.

Do të theksoja gjithashtu se po, në një kuptim, platforma mNRA zgjidh një çështje farmakologjike, e kjo është se mund të vendoset shumë shpejt në të gjithë botën.

Nga ana tjetër, ajo mbart një defekt në thelbin e saj, defekt që shkon përtej tendencës për të aktivizuar sistemin imunitar dhe për të sulmuar indet e veta. Dhe kjo është se vetë natyra e platformës kërkon paraqitjen e një grupi shumë të ngushtë antigjenesh, që do të thotë se viruset me të cilat përballemi, kur përballemi me vaksinat mNRA, kanë një problem relativisht të lehtë për t'u tejkaluar përmes evolucionit. Me fjalë tjera, për dallim nga imuniteti natyror, ku bëheni imun ndaj të gjithë virusit, imuniteti juaj i përvetësuar me vaksinat e mNRA është imuniteti ndaj një antigjeni dhe kjo është diçka që vetë virusi përmes evolucionit mund ta anashkalojë lehtësisht. Pra, ajo që ne kemi tendencë ta bëjmë me një platformë të synuar ngushtë si mNRA është të inkurajojmë evolucionin e virusit, i cili madje mund edhe ta vazhdojë pandeminë. ir/dj/