Shkup, 5 qershor 2025 (MIA)- Kemi formuar grup pune në ministri i cili ka punuar për disa muaj dhe ka përpiluar një propozim. Ai propozim thotë se këto kapacitete është më mirë që të jenë tonat, vendore, që ne të kemi këtë potencial sepse është mbi 300 Më energji elektrike. Ky do të jetë një projekt jo vetëm për prodhimin e energjisë elektrike, por do të përdoret edhe për ujitje dhe turizëm, që do të thotë një projekt serioz, ka thënë ministrja e Energjisë, Minierave dhe Burimeve Minerale, Sanja Bozhinovska në intervistën për RTVM.

Sipas ministres, analizat e ekspertëve kanë treguar se një projekt i tillë do të kushtojë të paktën 1 miliard euro i cili parashikon ndërtimin e një dige 190 metra dhe është një projekt kompleks që do të zgjaste 7-8 vjet për t'u ndërtuar. Bozhinovska tha se në dekadat e kaluara janë zbatuar 14 tenderë të pasuksesshëm për ndërtimin e Çebrenit.

Në periudhën e kaluar, Qeveria disa herë ka deklaruar se po shqyrton mënyrat e mundshme për të financuar këtë projekt kapital, ndërsa nga java e kaluar ai është pjesë e listës së projekteve që do të financoheshin përmes Marrëveshjes për partneritet strategjik midis Maqedonisë dhe Britanisë së Madhe dhe Irlandës Veriore.

Foto: MIA