Dortmund, 28 mars 2023 (MIA) - Borusia Dortmund është e gatshme t'i ofrojë mesfushorit Xhud Bellingam rritje të pagës prej 150 për qind.

Sipas “Bild”, klubi dëshiron ta mbajë për një kohë të gjatë lojtarin 19-vjeçar. Besohet se Real Madridi, Mançester siti dhe Liverpul janë në “gjueti” për futbollistin anglez.

Kontrata aktuale e mesfushorit me klubin gjerman është deri në verën e vitit 2025.

Anglezi bëri 34 paraqitje për Borusia Dortmund këtë sezon, shënoi 10 gola dhe dha gjashtë asistime.

Portali Transfermarkt vlerëson vlerën e lojtarit në 110 milionë euro. 

Foto: EPA