Blinkeni pritet të shkojë në Arabinë Saudite në samitin për ekonominë globale dhe për Gazën
Riad, 27 prill 2024 (MIA) - Diplomati më i lartë i Uashingtonit është në mesin e liderëve të cilët priten të marrin pjesë në samitin ekonomik të organizuar nga Arabia Saudite, që duhet të fillojë të dielën, me fokus të fuqishëm në luftën e vështirë në Gazë, thanë organizatorët.
"Sekretari shtetëror amerikan Entoni Blinken "do të vijë direkt nga vizitat e tij në Kinë dhe rrugës për në Izrael", tha Borge Brende, kryetar i Forumit Ekonomik Botëror në konferencën për media sot në Riad.
Pjesëmarrës të tjerë në takimin special dyditor janë presidenti palestinez Mahmud Abas dhe ministrat e Punëve të Jashtme dhe kryeministrat nga e gjithë Lindja e Afërt dhe nga Evropa.
Ata përfshijnë ministra të Punëve të Jashtme nga Franca, Gjermania, Mbretëria e Bashkuar dhe BE-ja dhe kryeministra nga Katari, Egjipti dhe Iraku, thuhet në kumtesën e FEB.
"Gjithsej 12 shefa të shteteve dhe qeverive paraqiten në mesin e më shumë se 1.000 pjesëmarrësve", tha Brende. fc/
Fotografia: EPA
